Тарихий манбашунослик ўқув қўлланма Бакалаврлар учун

 
19.6. Фойдаланилган адабиётлар рўйхати. 
1. 
Масальский В.М. Хлопководство, орошение государственных 
земель и частная предприимчивость. СПб, 1908; Туркестанский 
край. СПб, 1913.
2. 
Кривошеин А.В. Записка главноуправляющего земледилеим и 
землеустройством о поездке в Туркестан. СПб, 1912, 111-бет.
3. 
Сафаров Г.И. Колониальная революция (опыт Туркестана). М., 1921.
4. 
Галузо П.Г. Туркестан – колония. Очерк история Туркестана от 
завоевания русскими до революции 1917 года. М., 1929.
 
19.7. Мавзуни мустаҳкамлаш учун берилган саволлар. 
1. Шўро давридаги қандай манбаларни биласиз?
2. Шўро даври расмий манбалар деганда нимани тушунасиз?
3. Шўро даври тарихига оид қандай тадқиқотларни биласиз?
4. Қайси чет эллик тарихчилар асарларида шўро даври тарихи 
ёритилган?
5. Замонавий тадқиқотларда шўро даври тарихи қандай талқин 
қилинади?
 
21-
мавзу. Мустақиллик даври тарихи манбалари 
 
Дарснинг мазмуни: Мустақиллик йилларида рўй берган 
ижтимоий-сиёсий жараёнлар акс этган манбалар тўғрисида умумий 
тасаввур бериш ва уларни таҳлил қилиш малакасини ўргатиш.
Режа: 
21.1. Асосий сиёсий-ижтимоий воқеалар.
21.2. Расмий хужжатлар.
21.3. Президент И.А.Каримов асарлари.
21.4. Мустақиллик даври тарихи замонавий тадқиқотларда.

---

21.5. Фойдаланилган адабиётлар рўйхати.
21.6. Мавзуни мустаҳкамлаш учун берилган саволлар.
Асосий тушунчалар. Даслат суверенитети, Мустақиллик, истиқлол, 
давлат рамзлари. Олий Мажлис, Сенат, Парламент, маънавият, миллий 
истиқлол ғояси, инсон омили.
21.1. Асосий сиёсий-ижтимоий воқеалар. 
Мустақиллик йиллари ижтимоий-сиёсий жараёнларнинг тезкорлиги, 
воқеа ва ҳодисаларнинг шиддатлилиги, оламу одам тақдирига дахлдор 
бўлган дунёвий муаммолару серқирра ҳаётнинг барча жабҳаларини қамраб 
олган умумий қарашларимиздан тортиб, энг кичик, энг шахсий 
юмушларимизгача бўлган барча ҳодисаларни ўзида мужассам этди. Мудроқ 
босган туйғуларимизни жунбушга келтирди. Бошқача қилиб айтганда, ҳаётга 
тийракроқ қарайдиган бўлдик. Ўзлигимизни англай бошладик.
Табиийки, бундай ҳаётий зарурият барча ижтимоий-гуманитар фанлар 
қатори тарих фани олдига ҳам янги вазифалар қўяди. Тадқиқотчилар биринчи 
навбатда халқнинг истиқлолга эришиш йўлидаги фидойи меҳнатини, миллий 
мустақилликка эришиш йўллари ва воситаларини, миллий давлатчилик 
қурилишига доир тажрибани, истиқлолни мустаҳкамлашнинг сиёсий, 
иқтисодий, ижтимоий ва маънавий омилларини ўрганиш ва миллий истиқлол 
мафкурасини яратиш каби бир қатор муҳим муаммоларни ҳар томонлама 
мушоҳада қилмоқлари лозим. Дарҳақиқат, ўрганишга, тадқиқ этишга, 
дастлабки илмий-назарий хулосаларни ўртага ташлашга асос бор.
2000 йил, 6 апрел куни Оқ саройда мамлакат Президенти бир гугуҳ 
олимлар, файласуфлар, тарихчилар ва мутахассислар билан учрашиб, миллий 
мафкура, миллий онг тараққиёти, унинг зарурати ҳақида гапирди.
«Тарихий хотирасиз келажак йўқ»,-деган эди И.Каримов. Дарҳақиқат, 
тарих хотираси инсон тараққиётига кучли таъсир ўтказади, миллий истиқлол 
мафкурасини шакллантиришда муҳим омил бўлиб хизмат қилади. Миллий 
онг, миллий тафаккур халқ халқ тарихи, унинг ривожланиш босқичларини 
нечоғлик ўрганиш, ундан сабоқ чиқариш билан боғлиқ. Улуғ алломалар 
айтганидек, тарих инсонни истиқболга даъват этади. Улкан яратувчиликни 
рағбатлантиради. Зотан, унинг мураббийлик, тарбиячилик, йўналтирувчилик 
кучи худди ана шунда.
Шу маънода мамлакатимиз раҳбарининг Ўзбекистон Республикаси 
Президенти ҳузуридаги Давлат ва жамият қурилиши Академияси қошида 
«Ўзбекистоннинг янги тарихи» Марказини ташкил қилиш тўғрисида 
чиқарган Фармойиши катта тарихий ва сиёсий аҳамиятга эга. Қўлингиздаги 
«Мустақил Ўзбекистон тарихи» китоби ана шу хайрли йўлда қилинган 
дастлабки ишдир. 
Китобда Ўзбекистоннинг давлат мустақиллигига эришиши, янги 
жамиятга ўтиш даврида сиёсий ислоҳотларнинг амалга оширилиши, 
Ўзбекистонда ҳуқуқий демократик давлат қурилиши, фуқаролик 
жамиятининг шакллантирилиши, иқтисодий ислоҳатларни чуқурлаштиришга 
доир тадбирлар, мамлакатда ижтимоий-сиёсий барқарорликнинг таъминлаш 

---

омиллари, маънавий-руҳий покланиш ва миллий қадриятларнинг тикланиши 
ҳамда Ўзбекистоннинг жаҳон ҳамжамиятидан муносиб ўрин олиши каби 
масалалар кўриб чиқилади.
Хуллас, «Мустақил Ўзбекистон тарихи» китоби ана шу тарихий 
жараёнларни мумкин қадар тўлароқ қамраб олиш, уни жамлаш, маълум бир 
тартибга солиш, қолаверса, ана шу жараёнларни иложи борича кўпроқ 
ўрганиш орзу-истагида вужудга келди. Дарҳақиқат, мустақиллик даврида 
ўтган кунларимиз алоҳида ўрганишни, тадқиқ этишни, илмий ва назарий 
хулосалар чиқаришни тақозо этмоқда. Бунинг ўзига хос асослари бор.