Microsoft Word Курылыс машиналары лекция материаллары doc

СО-122А машинасының жумыс ислеў принципи. Мастика керекли 
температураға ысытылғаннан кейин насостың электр жүргизиўшиси иске 
тусириледи. Тисли дөнгелекли насос иске түскенде бактен мастика сорылып, 
басым астына айдап бериў трубасы арқалы қармаққа жеткизиледи ҳәм орайдан
қашыўшы форсунка менен бүркип бериледи. Форсунка сүрилетуғын қатламның 
қалынлыгын ретлеў имканиятын береди. 
Машинаның сазлығын тексериў ҳәм оны жумысқә таярлаў машинада жумыс 
баслаўдан алдын төмендеги жумыслар орынланыўы керек. 
Тегис орнатылған материаллар (линолеум) лерди кепсерлеўде жумыслары 
арнаўлы үскенелер менен инфрақызыл нурлатқышы болған аппарат-қыздырыўшы 
утйуг пенен орынланады. 
Төмендеги сүўретте линолеумларды кепсерлеў аппаратының улыўма көриниси 
сүўретленген. Ол төмендегилерден ибарат; Козғаўшы қабаты 1, тутқа 2, аралык 
плита3, сүўретлендириўши плита 4, плита 5. 
Қайтарыўшылар арқалы кварц лампалардан қызыў зонасына бағытланған нур 
энергиясы ыссылық энергиясына айланады ҳәм линолеумның шетлери 140-150
0
С 
шекем (линолеум жабысқақ жағдайға өткенге шекем) қызады ҳәм пластина 
жәрдеминде бир-бирине қысылады. Кепсерлеў тезлиги көринистеги орта 
пластиналар араплығын өзгертириў жолы менен сазланады. 
Кепсерлеўден алдын, кесерленетуғын линолеум шетлерине целофан ямаса 
фторопласт қайыс қойылады. Кепсерлеўдиң жумыс барысын тексериў мақсетинде 
пластиналардың орайында қорғаныўшы жақтылық филтри жайластырылған. 
Жумыс көлеми аз болғанда аппарат бирлестирилетуғын ернеклер бойлап қолда 
жылыстырылады. Жумыс көлеми үлкен болған орынларда аппарат элекетр 
двигатели каретаға орнатылып қолланылады. Инфрақызыл нурлар жәрдеминде 
саатына 30-70 метр линолеум кепсерлеў мүмкин. 
Таза төселген линолеум пол менен жақсы жабысыў ушын ол тегисленеди, 
буның ушын тик бағдарда тербелиўши майатникли электр титреў қозғатыўшысы 
бар еки барабанлы тегислейтуғын үскенеден пайдаланылады. Тегислеўши үскене 
линолеум майданында қол менен жылжытылады ҳәм саатына 100…200м
2
линолеумды тегислейди.