Ўзбекистон республикаси олий ва ўрта махсус таълим вазирлиги тдпу ҳузуридаги педагог кадрларни қайта

ХОТИМА 
 
Педагогларни қайта тайѐрлаш ва малакасини ошириш тизи-
мида ЭАТРни яратиш ва амалиѐтга жорий этиш тингловчиларнинг 
ўқув модуллари бўйича ўзлаштирган билим, кўникма ва мала-
каларини кенгайтиради, уларнинг ижодий, креатив қобилият-
ларини ривожлантиради. Шу билан бирга уларда таълим жараѐ-
нини самарали ташкил этиш мақсадида зарур ахборотларни излаш, 
умумлаштириш, қайта ишлаш ҳамда улардан фойдаланишга доир 
кўникма, малакаларни шакллантиришга ѐрдам беради. 
Бунинг натижасида таълим жараѐнининг сифати яхшиланиб, 
самарадорлиги ортади. Мазкур ҳолат ўз навбатида педагогларни 
қайта тайѐрлаш ва малакасини ошириш тизимини барча 
блоклардаги ўқув модуллари бўйича ЭАТРни яратиш мақсадга 
мувофиқлигини тасдиқлайди. ЭАТРни яратиш ва улардан таълим 
жараѐнида фойдаланиш таълим сифатини яхшилаш ва 
самарадорлигини ошириш йўлларидан бири ҳисобланади. ЭАТР 
тингловчиларга ўзлари учун қулай вақт ва шароитда мустақил 
таълим олиш, мавжуд билимларини бойитиш, мустаҳкамлаш 
имкониятини яратади. Бу турдаги ўқув манбалари компьютер 
технологияси ѐки Интернет ахборот тармоғи воситасида билвосита 
мулоқотга киришиш орқали тегишли фан асосларининг самарали 
ўзлаштирилишини таъминлайди. Шу сабабли бу турдаги ўқув 
манбаларини яратиш мақсадга мувофиқдир. Барча турдаги ўқув 
манба (адабиѐт)ларини яратиш ва ундан фойдаланишда бўлгани 
каби ЭАТРни шакллантириш ҳамда уни таълим олувчиларнинг 
эътиборларига ҳавола қилиш ҳам муайян тартибга асосланади. Бу 
борада тартибнинг мавжудлиги қуйидаги амалий натижаларни 
кафолатлайди: 1) таълим олувчилар, шу жумладан, қайта тайѐрлаш 
ва малака ошириш курсларининг тингловчилари ЭАТРни излаш ва 
улардан фойдаланишда ортиқча куч ва вақтни сарфлашдан 
сақланади; 2) ўзлари учун зарур ўқув материалларини излаш ва 
улардан ўринли, мақсадли фойдаланиш имкониятига эга бўлади.