Klinik anatomiya, II jild. Qorin parda va hosilalari. Gulmanov Ilich Djumabaevich

Qiyshiq kesma bilan laparotomiya o‘tkazganda qovurg‘a yoyi qirg‘og‘i 

bo‘ylab teri, teri osti kletchatkasi, yuza fassiya, so‘ngra tashqi va ichki qiyshiq 

muskullar  tolalari  qon  ketishini  to‘xtatadigan  qisqichlar  oralig‘ida  kesiladi. 

Keyin qorin parda oldi kletchatkasi va qorin parda kesiladi. 

Qorin  devorining  pastki  bo‘limlarida  qiyshiq  kesmalar,  agar  muskul 

tolalari  ularning  yo‘nalishi  bo‘ylab,  tumtoq  asboblar  bilan  ajratilsa,  muskullar, 

qon  tomirlari  va  nervlar  unchalik  shikastlanmaydi.  Masalan,  Volkovich–

Dyakonov (Mak-Burney) bo‘yicha laparotomiya appendektomiyada o‘tkaziladi, 

bunda tashqi qiyshiq muskulning muskul-aponevroz tolalari pastdan yuqoriga va 

lateral  tomonga,  ushbu  tolalar  yo‘nalishi  bo‘ylab  ajratiladi,  ichki  qiyshiq  va 

ko‘ndalang  muskullar  tolalari  esa,  yuqoriga  va  pastga,  deyarli  ko‘ndalang 

yo‘nalishda boradigan yoriq hosil kila turib ajratiladi.