Илмий тадқиқот асослари: 1000 саволга 1000 жавоб тошкент–2019

880 - САВОЛ: 
ИСБОТ МЕТОДИНИНГ КОМПОНЕНТ-
ЛАРИ ДЕГАНДА НИМАНИ ТУШУНА-
СИЗ? 
ЖАВОБ: Исбот методининг компонентлари деганда тезисни 
аниқлаш; исбот усулини танлаш; зарур ва етарли далилларни са-
ралаш; хулосаларни таърифлаш; классификациялаш; алоқадор-
ликни аниқлаш; фикр ҳаққонийлигини далиллаш кабилар ту-
шунилади. 
КЎРСАТМА: Педагогик тадқиқотлар бўйича иш олиб боришда 
турли хил тадқиқот методларидан фойдаланишга тўғри келади. 
Бундай пайтларда тадқиқотчи ҳар қандай методдан фойдаланишда 
уларнинг мақсад-вазифалари тадқиқот мақсад-вазифалари ва ишчи 
фаразига мос келишлигини ўйлаб кўришга тўғри келади. Айниқса, бу 
статистик тадқиқот методларида жуда муҳим. Масалан, исбот 
методидан тадқиқот давомида фойдаланишда кузатиш методи ва 
унинг компонентларига мурожаат қилишга тўғри келади ва шунга 
ўхшаш ҳолатлар кўплаб учрайди. 
881 - САВОЛ: 
ИҚТИСОДИЙ МАДАНИЯТ ДЕГАНДА 
НИМАНИ ТУШУНАСИЗ? 
ЖАВОБ: Иқтисодий маданият деганда маданиятнинг бу 
қисмини ўзлаштириш кўрсаткичлари ва натижалари – иқтисодий 
лаёқатлилиги: замонавий иқтисод, ишбилармонлик фаолияти 
асослари тўғрисида тасаввурга эга бўлиш, тадбиркорлик асос-
ларини билиш кабилар тушунилади. 
КЎРСАТМА: Иқтисодий маданият иқтисодий тарбия 
негизида шаклланишига доимо эътиборда бўлиш керак. Бунга 

---

556 
сабаб иқтисодий тарбия жараёни ҳам таълим олувчиларга 
иқтисодий билимларни бериш негизида амалга оширилади, яъни 
иқтисодий тарбия орқали таълим олувчилар онгига мамлакат 
иқтисодий барқарорлигини таъминлаш, бозор инфраструктураси 
қоидаларига амал қилиш, ички бозорни тўлдириш, кичик ва ўрта 
бизнесни яратиш борасидаги фаолият жараёнида иштирок этиш 
кўникма ва малакаларини ҳосил қилиш, инсон меҳнати билан 
бунёд этилган моддий бойликларни асар, уларни кўпайтиришга 
қайғуриш туйғуларини қарор топтириш каби тушунчалар мус-
таҳкам сингдирилади. Бу орқали иқтисодий маданият шакл-
лантирилади.