Илмий тадқиқот асослари: 1000 саволга 1000 жавоб тошкент–2019

857 - САВОЛ: 
АМАЛ ҚИЛИШ МУДДАТИ ДЕГАНДА 
НИМАНИ ТУШУНАСИЗ? 
ЖАВОБ: Амал қилиш муддати деганда жавобгар идоранинг 
қарорига мувофиқ меъёрий ҳужжатларни муомалага киритиш 
вақтидан бошлаб, уни бекор қилиш ёки алмаштиришгача бўлган 
давр тушунилади.
КЎРСАТМА: Илмий тадқиқот ишини олиб боришда давлат 
ҳужжатларини, мазкур соҳанинг ривожланишида, фойдалани-
ладиган ёки фойдаланиши мўлжалланган илмий-методологик 
асослар ҳамда фан-техника ютуқлари эътиборга олиниши керак. 
858 - САВОЛ: 
АМАЛГА ОШИРИШ ДЕГАНДА НИМАНИ 
ТУШУНАСИЗ? 
ЖАВОБ: Амалга ошириш деганда фикрлар (ғоя, назария, 
модель, алгоритм, мезон, тамойил ва шу кабилар)дан амалиётда 
фойдаланиш тушунилади. Масалан, дарсда таълимнинг инно-
вацион услубларидан ёки янги ахборот технологияларидан 
фойдаланиш кабилар амалга оширишга мисол бўла олади. 
КЎРСАТМА: Ушбу жараёндаги амалга ошириш операцияси 
амалий тадқиқотлар нуқтаи назаридан қаралиши керак. Бунга 
сабаб амалий тадқиқот мавжуд ишлаб чиқариш воситаларини, 
истеъмол предметларини такомиллаштириш ёки янгисини яратиш 
билан тавсифланувчи ижодий жараён. Унинг мақсади фун-
даментал тадқиқотда олинган билимларни моддийлаштиришдан 
иборат. 
859 - САВОЛ: 
АНИҚЛАШТИРИШ МЕТОДИ – БУ ҚАН-
ДАЙ МЕТОД? 
ЖАВОБ: Аниқлаштириш методи – бу умумий назариядан 
айрим қўллашларга ўтиш ёки абстрактдан аниқ кўп хилликка ўтиш 
ҳамда аниқлаштириш натижаларини белгили расмийлаштириш 
(мисол, масала, чизма, график, модель, алгоритм, ҳисобот, иншо 
ва шу кабилар)ларнинг мажмуасини шакллантириш методидан 
иборат. 

---

545 
КЎРСАТМА: Аниқлаштириш методидан самарали фойдала-
ниш аниқ қарорлар қабул қилишга фундаментал асос бўла олади. 
Чунки, ушбу жараёнда аниқ, ишончли, далилий ахборотлардан 
фойдаланиб қарор қабул қилинади ва бунда уларнинг бажарилиш 
хусусиятлари ҳам белгиланган бўлади.