Илмий тадқиқот асослари: 1000 саволга 1000 жавоб тошкент–2019

 
574 - САВОЛ: 
ИНТЕЛЛЕКТУАЛ МУЛК ДЕГАНДА НИ-
МАНИ ТУШУНАСИЗ? 
ЖАВОБ: Интеллектуал мулк – бу ижодий ақлий фаолият 
маҳсулидир. Ихтирочилик ва муаллифлик манбаи ҳуқуқий маж-
муига кирувчи фан, адабиёт, санъат ва ишлаб чиқариш соҳасида 
ижодий фаолиятнинг бошқа турлари, адабий, бадиий, илмий 
асарлар, ижрочи актёрлик санъати, жумладан, овоз ёзиш, радио ва 
телевидение асарлари, кашфиётлар, ихтиролар, рационализатор-
лик таклифлари, саноат намуналари, компьютер учун дастурлар, 
маълумотлар омбори, товар белгилари, фирма атамалари ва бошқа 
ақлий мулк манбалари киради. 
КЎРСАТМА: Илмий тадқиқот иши бўйича эришилган на-
тижалари илм-фан, таълим-тарбия, техника-технология, мето-
дология, қонуниятлар ва шу каби соҳаларни ривожлантиришга, 
такомиллаштиришга хизмат қиладиган бўлсин. 
 
575 - САВОЛ: 
ИНТЕРНЕТ ХИЗМАТИ ҲАҚИДА ҚАНДАЙ 
ФИКРДАСИЗ? 
ЖАВОБ: “ИНТЕРНЕТ” [лотинча “inter” аро ва “net (work)” – 
тармоқ] – катта (глобал) ва кичик (локал) компьютер тармоқ-
ларини ўзаро боғловчи бутун жаҳон компьютер тизими. Унда 
географик ўрин, замон ва макондан қатъи назар, айрим компьютер 
ва майда тармоқлар ўзаро ҳамкорликда глобал информация 
инфратузилмасини ташкил этади. Қайдномалар тизими билан 
бошқариладиган барча ҳосила тармоқлар ҳамкорликда истеъ-
молчиларга информацияни сақлаш, эълон қилиш, жўнатиш, қабул 
қилиш, излаш ва маълум бўлган барча вариантлар (матн, товуш, 
видео тасвир, фотосурат, графика, мусиқа тарзида ва бошқа 
кўринишлар) да информация алмашувига имкониятлар яратилади.
Демак, ИНТЕРНЕТ – бутун жаҳон бўйлаб фаолият 
кўрсатадиган 
халқаро 
ахборот 
алмашинувининг 
глобал 
компьютерли тармоғидир. Интернет тармоғи орқали сизнинг 

---

390 
компьютерингиз дунё бўйлаб бошқа компьютер тармоқларига 
уланиши мумкин ва шу тармоқдаги компьютерлар билан ихтиёрий 
ахборот алмашинувини амалга ошириш мумкин. 
КЎРСАТМА: 1. Замонавий педагог тадқиқотларни олиб 
боришда албатта ахборот хизматларидан фойдаланишга ҳаракат 
қилади. Бу орқали илмий тадқиқот ишидаги сифат ва сама-
радорлик ошади. 
2. “ИНТЕРНЕТ” хизмати орқали илмий тадқиқот ишига оид 
маълумотларни йиғиш муддати қисқаришига ва сифати 
яхшилинишига эришиш мумкин.