Microsoft Word babajanov farhodjon

Magistrlik dissertatsiyasining maqsadi meva mahsulotlarini sifatli 
saqlanishini ta’minlovchi elektro ionizator va uning tok manbasini ishlab 
chiqishdir, magistrlik dissertatsiyasida quyidagi masalalar yechildi: 
 
1. Meva mahsulotlarini saqlash texnologiyasining xususiyatlarini va 
elektrotexnogil uslublarini qo’llash imkoniyatlarini o’rganish. 
2. Havoni ionlashtirish rejimlari va texnik vositalarning ko’rsatkichlarini ishlab 
chiqish. 
3. Elektr ionlashtirish qurilmasining samarali ko’rsatkichlarini aniqlash. 
4. Elektr ionizatorning texnologik jarayon talablariga javob beruvchi, samarali 
ko’rsatkichlarini ta’minlovchi tok manbasi ishlab chiqish. 

---

12 
 
5. Elektr ionizatorning tok manbasining ishchi ko’rsatkichlarini nazorat qilish.  
Magistrlik dissertatsiyasida oldimizga qo’yilgan masalalarni yechish 
uchun turli izlanishlar metodlari qo’llanildi. Masalani o’rganish uchun bizgacha 
bu masalada olib borilgan ishlarni o’rganib chiqdik. Ionlashgan havoni meva 
mahsulotlariga ta’siri uning optimal rejimlari o’rganildi.  
Shu optimal rejimlarni ta’minlovchi elektroionizatorning konstruksiyasi 
va tok manbasi ishlab chiqildi va asosiy xarakteristikalari o’rganildi. 
Elektroionizatorning tok manbasini samarali ish rejimlari va ko’rsatkichlari 
o’rganildi. 
Tajriba izlanishlari umum statistik uslublardan foydalanib bajarildi. 
Dastlabki olingan rejimlar ishlab chiqarish sharoitlarida tekshirildi. Magistrlik 
dissertatsiyasida meva saqlash omborlarida elektrotexnologiya uslublarini, 
hususan havoni ionlashtirish vositalarini qo’llash, uning rejimlarini 
optimallashtiradi, texnologik talablarga mos texnik qurilma-ionizator ishlab 
chiqildi. Elektr ionizatorlarning asosiy ko’rsatkichlari aniqlandi. Ularni saqlash 
binosida optimal joylashtirildi. Tok manbasining ish rejimlari o’rganildi.  
Izlanishlar natijalaridan ko’rinib turibdiki, havoni ionlashtirish meva 
mahsulotlarini saqlash omborlaridagi isroflarni 7-10 % ga kamaytiradi, mahsulot 
tovar ko’rinishli, yuqori organoleptik ko’rsatgichlari to’la saqlanadi. 
Iqtisodiy samaradorlik har bir tonna saqlangan mahsulot uchun 500,000 
so’mni tashkil qiladi. 
Ionizatorning elektr maydoni ko’rsatkichlari va xarakteristikalari zond 
usulidan foydalanib, olingan ma’lumotlarga ishlov berish uchun matematik 
statistika uslublari qo’llanildi. Tadbirlarning iqtisodiy samaradorligi yangi 
texnikani xalq xo’jaligida qo’llanilishining yagona uslublari asosida aniqlanildi.