Microsoft Word kr vijdon azobi ziyouz com doc

"ХЎЖОНА" ҚЎШМАЧИЛАР 
Биз томонлар "жоҳилият" ҳаётини кечираётган эди. Жоҳилият дейилса, одатда 
Арабистоннинг қадимий даврлари тушунилади. гўё жоҳилият энди йўқдек. Мени ва мен 
кабиларни кўнгилочар жойларга туширган жоҳилият эмасми? Ислом ҳукм сурмаган жамият 
жоҳилият даврлаеидан бирини яшаётган бўлади. Бундай жамоа ичидаги кўпчилик аёлларнинг 
кўзи ва кўнгли эрида бўлмайди. Уларда бир ҳуштор топсам деган фикр мавжуд. Менда бундай 
фикр бўлмасада, ўша жамоат ичида эдим ва ўша фикр томон кетаётган эдим. Марсин ва 
Адонада "ҳўжона"лар бор эди. Ҳўжона - оилали аёлнинг душмани. Улар бокира қизлар билан 
машғул эмас, турмушга чиққан аёлларни йўлдан урар эди. Аёлларни мўлжалга олиб тузоқ 
ташлаб қўяр, вақти келиб ўқи нишонга тегар ёки ҳар жиҳатдан паришон аёлнинг ўзи бу 
тузоққа келиб тушарди. Ва оқибатда бундай инсонларга тобеъбўлиб қоларди.
СEВГИ ҚАНДАЙ ҲИЛҚАТ? 
Бир куни болалигимдан таниш бўлган кексароқ аёл марсинлик бир тужжорни мақтай 
бошлади. Аввалига ҳеч нарса тушунмадим. Фақат кунлардан бир куни: 
- Қизим, аҳмоқлик қилма, Бир-икки соатлик суҳбатдан нима зарар кўрасан, қолаверса, 

---

Виждон азоби. Амина Шанликўғли 
www.ziyouz.com кутубхонаси 
29
сенга яҳши муомала қилади, севади, пул беради, - деди. Унинг бундай сўзалрини олдин 
эшитмаган эдим. Ўйладим. Оилалик аёл бегона эркак билан қандай муносабатда бўлади? Севги 
қандай туйғу ўзи? Ажабо?
Кўп ўтмасдан ҳўжона яна келди: 
- Тужжор сени дўконга таклиф этяпти, - деди. Борсаммикан, деб ўйладим. Эримга 
қарагнада мен ҳаракатчан ва гўзал эдим. Ҳеч кимуни менга лойиқ кўрмас, менга ачиниб 
қарашарди. Менга мусулмон бўлмаганим учун ачинмаганлар, эрим росмана одам бўлмаганига 
ачинардилар. Бу эса атрофимдагиларни кимлигини билдириб турарди. Бу таклифни олганимда 
турмуш қурганимга тўрт йил бўлганди. Кичик ёшимда турмушга чиқиб меҳр шафқат 
кўрмаганим учун, бундай таклифдан кейин ўзимда афзаллик ва устунлик сездим. 21 ёшга 
кирганимда эркак аёлни қандай муносабатда бўларкин, деган қизиқиш уйғона бошлади. Бу 
қизиқиш остида таклифларни қабул қилар экнман, яна виждоним ҳам қийналарди. Аммо 
ҳўжоналар менинг заиф нуқтамни топгандилар. Тинимсиз севгидан гапирар, таклиф қилганлар 
мени жуда ҳам севишларидан лоф уришради. Мен эса эримга ҳиёнат қилишдан қочардим. Бу 
орада яна бир таклиф бўлиб қолди. Бу одам бичиш-тикиш устаҳонасининг бошлиғи эди. Мени 
севиши, менсиз яшай олмаслигини гапирарди. Борсаммикан, деган тараддуд орасида юрардим. 
Тикувчи билан суҳбатлашишдан нарига ўтмадик.