Microsoft Word 03 Kishlok xujaligida buxalteriya xisobi va solikka tortish \

Elektron  raqamli  imzo  deb  elektron  hujjatdagi  mazkur  elektron  hujjat  axborotini  elektron 

raqamli  imzoning  yopiq  kalitidan  foydalangan  holda  maxsus  o‘zgartirish  natijasida  hosil  qilingan 

hamda  elektron  raqamli  imzoning  ochiq  kaliti  yordamida  elektron  hujjatdagi  axborotda  xatolik 

yo‘qligini  aniqlash  va  elektron  raqamli  imzo  yopiq  kalitining  egasini  identifikatsiya  qilish 

imkoniyatini beradigan imzoga aytiladi.  

2.2. Hisob yozuvlaridagi xatolarni tuzatish 

Hisob  jarayonida  ayrim  paytlarda  xatolar  uchraydi  va  ularni  o‘z  vaqtida  tuzatish  zarur. 

Xatolarni  topish  uchun  yozuvlarni  tanlab  yoki  yoppasiga  tekshirish  usullari  qo‘llaniladi. 

Yozuvlardagi xatolar har xil bo‘lishi mumkin. Masalan, hujjatlarda va hisob registrlarida matn yoki 

summa  noto‘g‘ri  yozilgan,  natural  yoki  qiymat  ko‘rsatkichlarini  jamlashda  xatoga  yo‘l  quyilishi, 

xo‘jalik muomalalarini aks ettirishda schotlar korrespondensiyasi noto‘g‘ri tuzilishi, yozuvlar tegishli 

bo‘lmagan boshqa registrlarga yozilgan bo‘lishi mumkin va h.k.  

Aniqlangan barcha xatolar hisobot tuzilgunga qadar tuzatilishi lozim.  

Hisob  registrlaridagi  xatolarni  tuzatishda  xatoning  xususiyati  va  aniqlangan  vaqtiga  qarab 

quyidagi usullardan birortasi qo‘llaniladi: korrektura, qizil storno va qo‘shimcha yozuv.