Mahsulotlar sifatini aniqlash va sertifikatlash

Nazorat savollari va topshiriqlari:
1. Eksperimental uslubni izohlang?
2. Organoleptik uslub tushunchasining ta’rifini keltiring.
3. Ekspert uslubi qanday uslub?
4. Hisoblash uslubiga tushuncha bering?

---

22
III-bob. PAXTANING SIFAT KО‘RSATKICHLARINI ANIQLASH
3.1. Paxta tozalash korxonasining texnik nazorat bо‘limi
Paxta tozalash korxonalarida tayyorlangan paxta va undan olinadigan paxta
mahsulotlarning sifatini aniqlash ishlarini texnik nazorat bо‘limi amalga oshiradi.
Paxta tozalash korxonasi texnik nazorat bо‘limi tarkibiga korxona texnologik
laboratoriyasi va korxona ixtiyoridagi paxta tayyorlash maskanlari laboratoriyalari
kiradi.
Tayyorlanayotgan paxta va ishlab chiqariladigan mahsulotlar sifatini
aniqlashni texnik nazorat bо‘limi О‘zbekiston Davlat standartlari va tegishli
qо‘llanma hamda sinov usullariga qat’iy amal qilgan holda amalga oshiradi.
Korxonadagi texnik nazorat bо‘limining asosiy vazifalari quyidagilardan
iborat:
- standart va texnik talablarga javob bermaydigan paxtani qabul qilish va
paxta mahsulotlarini ishlab chiqarish hamda iste’molchilarga jо‘natishning oldini
olish;
- tayyorlanadigan paxta va ishlab chiqariladigan paxta mahsulotlari sifatini
ta’minlash uchun paxta tayyorlash maskanlari va paxta tozalash korxonasining
barcha xodimlari orasida ishlab chiqarish, texnologik va shartnoma intizomlarini
har tomonlama mustahkamlash.
Yuklatilgan vazifalariga binoan texnik nazorat bо‘limi paxta tayyorlashni,
korxonada paxtaga dastlabki ishlov berish jarayonini texnik nazorat qiladi hamda
paxta sifatini va undan olinadigan mahsulot sifatini aniqlaydi.