“Сервис” илмий-амалий журнал 020 йил 4-сон сервис

Еттинчидан, 2017-2020 йилларда иқтисодиѐт соҳасида замон талабларига жавоб 
берадиган, мутлақо янги асосда ташкил этишга ва янада эркинлаштиришга, унинг ҳуқуқий 
асосларини такомиллаштиришга қаратилган қатор қонунлар, фармон ва қарорлар қабул 
қилинди. Иқтисодиѐтнинг барча тармоқларини модернизация ва диверсификация қилиш 
бўйича пухта ўйланган дастурлар қабул қилинди ва улар мамлакат миқѐсида ва унинг ҳар бир 
ҳудудида изчил амалга оширилиш чоралари кўрилмоқда. Иқтисодиѐтда чуқур таркибий 
ўзгаришлар ҳам кўзда тутилди ва изчиллик билан амалга оширилмоқда. Аграр иқтисодиѐтдан 
аграр-индустриал, сўнгра индустриал иқтисодиѐт шаклланди. Эндиликда жаҳон мамлакатлари 
ичида рақобатбардошликни таъминлашга қаратилган инновацион ва рақамли иқтисодиѐтнинг 
шаклланишига катта аҳамият берилмоқда ва амалий чоралар кўрилмоқда. Бунинг ѐрқин 
мисоли сифатида, юртимизда илк бор Инновацион ривожланиш вазирлигининг ташкил 
қилиниши, инновация бозорининг такомиллашуви ва инновацион ишланмаларни 
тижоратлаштириш масаласини амалга ошириш масаласининг кун тартибида асосий масала 
сифатида қўйилганлигида кўриш мумкин. 

---

“Сервис” илмий-амалий журнал 
 
2020 йил 4-сон 
15 
Саккизинчидан, мамлакатимиз иқтисодий сиѐсатида янгиланишлардан энг 
муҳимларидан бири, Ўзбекистон Республикаси Президенти томонидан мамлакатимиз 
парламенти – Олий Мажлисга Мурожаатномасида таъкидланганидек, ―нореал рақамлар 
ортидан қувиш, амалга ошмайдиган хомхаѐлларни ҳақиқат сифатида тақдим этишдек 
номаъқул иш услуби танқидий қайта кўриб чиқилди‖. Мамлакатимизда амалга ошириладиган 
ишларнинг барчаси ―амалий натижадорлик, инсон манфаати ва яна бир бор инсон манфаати‖га 
қаратилди. Изчиллик билан амалга оширилган чора-тадбирлар натижасида 2017-2020 йиллар 
давомида барқарор иқтисодий ўсиш суръатлари 5,5 фоиз атрофида ўсишни ташкил этди. Яна 
бир реал кўрсаткич, мамлакатимизнинг экспорт ҳажми қарийб 15 фоиздан ортиқроқ даражага 
кўпаймоқда. Ташқи савдо айланмасининг ижобий сальдоси қарийб бир миллиард доллар 
даражасига етди. Хуллас, бу инсон манфаати ислоҳотларнинг бош мақсади этиб 
белгиланганлиги амалга оширилаѐтган кенг кўламли ишлардан биридир.