“Сервис” илмий-амалий журнал 020 йил 4-сон сервис

О.М.Пардаев – СамИСИ, ―Банк-молия хизматлари‖ факультети декани, и.ф.д. 
 
“ЯНГИ ЎЗБЕКИСТОН”НИНГ МАЗМУНИ ВА ЎЗИГА ХОС ХУСУСИЯТЛАРИ 
Аннотация: мақолада халқнинг фаравонлиги ва розилигига хизмат қиладиган Янги Ўзбекистонни 
барпо қилишга қаратилган масалалар ѐритилган. Бунда иқтисодиѐтни модернизация ва 
диверсификация қилиш, инновацион омиллардан самарали фойдаланиш, рақамли технологияларни 
жорий қилиш масалаларига алоҳида урғу берилган. Янги Ўзбекистоннинг яратилиши бевосита 
халқ фаровонлиги, яшаш даражаси ва сифатини оширишга хизмат қилиши нуқтаи назаридан 
қаралган. Олдин давлат идоралари асосан бошқарув билан шуғулланган бўлса, эндиликда халқнинг 
розилигига эришиш учун ҳақиқий ижорчи органга айланганлиги ҳам кўрсатиб берилган. 
Бошқарувда адолат, ижрода эркинлик, қарор қабул қилишда мустақилликнинг таъминланиши ҳам 
янгиланаѐтган мамлакат қиѐфасини ташкил қилиши кўрсатиб берилган. Барча жабҳаларда илм-
маърифат ва тарбиянинг уйғунлигини таъминлаш масаласига ҳам қисман эътибор қаратилган. 
Калит сўзлар: Янги Ўзбекистон, модернизация, диверсификация, инновация, рақамли технология, 
халқ фаровонлиги, яшаш даражаси, яшаш сифати, давлат идоралари, халқ розилиги, адолат, 
эркинлик, мустақиллик, илм маърифат, тарбия. 
Мустақиллик йилларида қайси соҳани олмайлик, ўша соҳада катта ўзгаришларни, 
жадал юксалишларини кўрамиз. Бугунги кунда мамлакатимизда олиб борилаѐтган кенг 
кўламли ислоҳотлар халқимиз томонидан қўллаб-қувватланмоқда. Чунки, мамлакат ва 
аҳолининг ҳаѐтига доир ҳар бир фармон ва қарорлар, улар асосида қабул қилинаѐтган 
дастурлар халқимиз билан бевосита мулоқот асосида, маслаҳатлашган ҳолда қабул 
қилинмоқда. Бир сўз билан айтганда, мамлакатимизда барча соҳаларда янгиланиш даври 
“Янги Ўзбекистон”ни барпо қилишга қаратилган кенг кўламли ишлар бошланиб кетди. 
Ўзбекистон Республикаси Президенти Шавкат Мирзиѐевнинг 2020 йил 23 сентябрда 
Бирлашган Миллатлар Ташкилоти Бош Ассамблеясининг 25 сессиясидаги нутқида ―Жамиятни 
сиѐсий, ижтимоий ва иқтисодий модернизация қилиш бўйича кенг кўламли чора-
тадбирларимиз натижасида янги Ўзбекистон шаклланмоқда. Бугунги кунда мамлакатимиз-
даги демократик ўзгаришлар ортга қайтмайдиган тус олди‖
1
, деб таъкидлади. Мазкур 
масаланинг аҳамиятидан келиб чиқиб, 2020 йил 30 сентябрдаги Ўзбекистон Республикаси 
Президенти Шавкат Мирзиѐевнинг Ўқитувчилар ва мураббийлар кунига бағишланган 
тантанали маросимдаги ―Ўқитувчилар ва мураббийлар – янги Ўзбекистонни барпо этишда 
катта куч, таянч ва суянчимиздир‖ номли нутқида ҳам ―кейинги йилларда юртимизни ҳар 
томонлама тараққий эттириш, янги Ўзбекистонни яратиш мақсадида барча соҳалар қатори 
таълим тизимида ҳам туб ислоҳотлар олиб борилмоқда‖
2
, деган гапни яна такрорлади. 
Энди ―Янги Ўзбекистон‖нинг мазмун-моҳияти нималарда намоѐн бўлади, деган 
саволга жавоб бериш учун бугунги кундаги демократик ўзгаришлар, амалга оширилаѐтган 
ишларга бир назар солиб, олдинги ҳолатимизга нисбатан нималар ўзгарганлигини бир 
мушоҳада қилиб, бир қанча натижаларни таъкидлаш лозим. Бу ҳолат, бизнинг фикримизча, 
қуйидагиларда намоѐн бўлмоқда.