“Сервис” илмий-амалий журнал 020 йил 4-сон сервис

Keywords: GMP, GLP, polynomial model, 
reliability 
approximation, 
innovative 
economics. 

---

“Сервис” илмий-амалий журнал 
 
2020 йил 4-сон 
88 
ТУРИЗМ ВА МЕҲМОНХОНА ХЎЖАЛИГИ 
 
Ш.Я.Абдусаидова – ―Ипак Йўли‖ ТХУ мустақил изланувчиси, 
М.Т.Алимова – САмИСИ, Менежмент кафедраси профессори, и.ф.д. 
 
МЕҲМОНХОНА ХЎЖАЛИГИНИ ТУРИЗМ ИНДУСТРИЯСИНИНГ ТАРКИБИЙ 
ҚИСМИ СИФАТИДАГИ РИВОЖЛАНИШИ ТАҲЛИЛИ 
 
Аннотация: мақолада Ўзбекистон Республикасида меҳмонхона индустриясини ривожланиш 
ҳолатига хос хусусиятлар ҳамда ривожланишининг институционал асослари тадқиқ этилган. 
Шунингдек, меҳмонхоналар ва жойлаштиришнинг бошқа муассасаларини классификациялаш 
тизимини такомиллаштириш бўйича илмий асосланган таклифлар ишлаб чиқилган. 
Калит сўзлар: туризм, меҳмонхоналар ва жойлаштиришнинг бошқа муқобил воситалари, хостел, 
меҳмон уйи, тенденциялар, юлдузлар, классификациялаш тизими. 
Кириш. Мамлакатимизда туризм соҳаси мустақилликнинг дастлабки кунларидан 
ижтимоий-иқтисодий тараққиѐтнинг устувор йўналиши сифатида эътироф этилиб, унга 
эътибор иқтисодий сиѐсат даражасига кўтарилган. Соҳа ривожи учун зарурий ташкилий-
ҳуқуқий механизмлар вужудга келтирилиб, ҳукумат томонидан тегишли меъѐрий 
ҳужжатлар қабул қилинган, энг муҳими, бу борадаги ишлар ҳозирда шиддат билан давом 
этмоқда.
Мамлакатимизда туризм соҳасида амалга оширилаѐтган ислоҳотларнинг шиддатли 
босқичига Ўзбекистон Республикаси Президенти Ш.М.Мирзиѐевнинг 2 декабр 2016 
йилдаги ПФ-4861-сонли «Ўзбекистон Республикасининг туризм соҳасини жадал 
ривожлантиришни таъминлаш чора-тадбирлари тўғрисида»ги Фармони асос солиб, унда 
миллий иқтисодиѐтимизни таркибий ўзгартириш ва диверсификация қилишни 
чуқурлаштириш, бандликни таъминлаш, аҳолининг даромадлари ва ҳаѐт сифатини 
оширишнинг қудратли воситаларидан бири сифатида туризм соҳасини жадал 
ривожлантиришга 
қаратилган 
ҳамда 
туризмни 
иқтисодиѐтимизнинг 
стратегик 
тармоқларидан бирига айлантириш борасида бажарилиши лозим бўлган қатор вазифалар 
белгиланиб, уларни бажаришнинг асосий устувор йўналишлари қайд этилган. 
Тадқиқотимиздан мақсад, мана шундай шароитда мамлакатимизда меҳмонхона 
хўжалигини туризм индустриясининг таркибий қисми сифатидаги ривожланишини таҳлил 
қилиш, ҳамда таҳлил натижалари асосида хулоса ва таклифлар ишлаб чиқишдан иборат.