Режа Иқтисодий ўсиш тушунчаси ва ўлчаниши

---

13-мавзу. Иқтисодий ўсишнинг умумий тавсифи ва неокейнсча моделлари. 
Режа 

1. Иқтисодий ўсиш тушунчаси ва ўлчаниши.
2. Иқтисодий ўсишга омиллари ва типлари 
3.Иқтисодий ўсишнинг ўлчаниши, реал ЯИМ ва аҳоли жон бошига тўғри келадиган 
реал ЯИМ динамикаси. 
4.Экстенсив ва интенсив иқтисодий ўсиш. 
5.Иқтисодий ўсишнинг моҳияти ва аҳамияти. 
6. Иқтисодий ўсишнинг Е.Домар модели 
7. Иқтисодий ўсишнинг Р.Харрод модели 
8. Ўзбекистон Республикасида иқтисодий ўсиш суръатлари ва омиллари. 
9
. Р.Солоунинг неоклассик модели асослари. 
10. Р.Солоу моделида капиталнинг чиқиб кетиши аҳоли сони ўсишинг барқарор 
мувозанат ва иқтисодий ўсишга таъсири. 
11.Технологик тараққиётнинг иқтисодий ўсишга таъсири. Фелпснинг «олтин 
қоидаси». 
12. Иқтисодий ўсишнинг Ж.Мид ва А. Льюис моделлари. 
 
1. Иқтисодий ўсиш тушунчаси ва ўлчаниши. 
Иқтисодий ўсиш тўлиқ бандлилик шароитига мос келувчи потенциал ишлаб чиқа-
риш даражасини узоқ муддатли кўпайиши тенденциясини англатади. 
Иқтисодий ўсиш жами таклифнинг ўсишини ёки бошқача айтганимизда, ҳақиқий ва 
потенциал ЯИМ ҳажмининг ошишини билдиради. Иқтисодий ўсиш муаммосини ўрганиш 
натижасида реал ишлаб чиқариш тизими дуч келувчи - чекланган ресурслардан самарали 
фойдаланиш муаммосига ечим топилади.
Иқтисодий ўсишнинг моҳияти иқтисодиётнинг асосий қарама қаршилиги 
хисобланган ишлаб чиқариш ресурсларини чекланганлиги билан ижтимоий эхтиёжларни 
ўсишини чексизлик ўртасидаги асосий зиддиятни янги даражада ҳал этиш ва қайта ишлаб 
чиқаришдан иборат.
Демак, иқтисодий ўсиш омиллари ва улар самарадорлигини ўрганиш ҳамда таҳлил 
қилиш жамият олдидаги энг долзарб муаммолардан биридир. 
Иқтисодий ўсиш нафақат мамлакат реал даромадларининг ўсиши, шунингдек, жон 
бошига тўғри келадиган реал даромадларнинг ўсишини ҳам англатади. Шу сабабли ҳам 
иқтисодий ўсиш икки хил усул билан ўлчанади.