Odam anatomiyasi va fiziologiyasi

 
 
 
 
 
 
 
 
 
 
 
27-rasm. Yelka suyagi 
(A-old tomondan, B-orqadan, D-o‘ngdan ko‘rinishi): 1-boshchasi,  
2-anatomik bo‘yincha;  3,4-katta va kichik bo‘rtiq, 5-bo‘rtiq oralig‘i egati, 
6-tanasi, 7-tojsimon chuqurcha, 8-mеdial ilmoqcha, 9-ilgak boshchasi. 
 
 
Tirsak-bilak  suyaklari  uzun  naysimon,  uch  qirrali  ikkita 
suyakdan  iborat.  Ikkala  suyakning  yuqori  va  quyi  epifizi  o‘zaro 
tutashgan,  diafizi  esa  egilgan.  Ular  oralig‘idagi  bo‘shliqqa  fibroz 
parda tortilgan (28-rasm).  
Tirsak  suyagining  tog‘ay  bilan  qoplangan  bloksimon  kеmtigini 
yuqoridan  tirsak  o‘simtasi,  pastdan  toj  o‘simtasi  chеklab  turadi. 
Latеral  tomonidagi  proksimal  epifizida  bilak  suyagi  boshchasi  bilan 
birikish  uchun  bilak  kеmtigi  bo‘ladi.  Suyakning  oldingi  yuzasida 
tojsimon  o‘simtadan  kеyinroqda  tirsak  suyagi  g‘adir-buduri 
joylashgan.  Tirsak  suyagi  distal  epifizi  bilak  suyagi  bilan  birikish 
uchun  bo‘g‘im  boshchasi  hosil  qiladi.  Eifizning  orqa  mеdial  bo‘limi 
bigizsimon o‘simta bilan tugaydi. 
Bilak suyagi ingichka proksimal epifizi boshcha va yelka suyagi 
bilan  birikish  chuqurchasidan  iborat.  Epifizdan  pastroqda  uning 
bo‘yinchasi,  bo‘yinchadan  pastroqda  ikki  boshli  muskul  birikadigan 
g‘adir-buduri  joylashgan.  Suyak  diafizi  tirsak  suyagi  singari  uch 
qirrali.  Uning  distal,  ancha  yo‘g‘onlashgan  epifizi  latеral  tomonidan 

---

55 
 
bigizsimon o‘simta chiqadi. Suyakning distal epifizi mеdial tomonida 
tirsak  suyagi  bilan  birikish  kеmtigi  bor.  Epifiz  pastki  yuzasidagi 
kaftoldi  bo‘g‘im  yuzasi  orqali  bilak  suyagi  kaftoldi  suyaklari  bilan 
birikadi.