Farmatsevtika sanoati texnologiyasi

4.2. 
Fermentlar
 Tibbiyotda ferment preparatlari keng miqyosda ishlatiladi.
Ular tanada kechadigan barcha jarayonlarda ishtirok etadi.
Fermentlar ajralishi buzilganda va ularning tanada kechadigan
jarayonlarni boshqarishi izdan chiqqanda har xil kasalliklar
kelib chiqadi. Shuning uchun mutaxassislar oldiga qo‘yilgan
asosiy vazifa kasallikning kelib chiqishida fermentlarning tutgan
o‘rni va ularning farmakokinetikasi hamda biologik faolligini
o‘rganishdir. Shuningdek, kelajakda fermentlarning olinish usul-
lari, shu jumladan, zamonaviy biotexnologiya usullarini ishlab
chiqish muhim ahamiyatga ega.
Qo‘yilgan masalalarni hal etish tibbiyot sanoati tarmog‘ining
mikroorganizmlardan ferment olish usulini rivojlantirishga bog‘liq.
Respublikamizda keyingi yillarda mikroorganizmlardan fer-
ment ishlab chiqarishga katta ahamiyat berilmoqda. Chunki
xomashyo sifatida hayvon a’zolari bilan o‘sib borayotgan sanoatni
ta’minlash ancha qiyin. Mog‘or zamburug‘idan olinadigan
fermentlarga terrilitin misol bo‘lib, u yiringli yaralarni, kuyish
va nafas yo‘llari shamollashini davolashda ishlatiladi. Asparagi-
naza ichak tayoqchasidan olinib, rak kasalligini davolashda
ishlatiladi, penitsillinaza ayrim mikroorganizmlardan olingan
preparat bo‘lib, penitsillinga organizmning sezgirligi oshib ket-
ganda hamda  allergiyada  foyda qiladi. Oraza fermenti mog‘or
zamburug‘idan olinadi. Ovqat hazm qilish faoliyati susayganda
ishlatiladi. Fermentlar bo‘yicha 25 dan ortiq  ilmiy tekshirish
institutlari ish olib bormoqda.
 7-jadval