“Transport vositalari muxandisligi” kafedrasi “Transport xavfsizligi asoslari” fanidan sirtqi bo’lim talabalari uchun nazorat ishi

O’quv yurtlarini bitirish imtihonlari 

O’quv  yurtlarining  ichki  sinovlaridan  o’tgan  haydovchilikka  nomzodlar 

DYHXX  RIB  (TRIB)da  imtihon  topshiradilar.  Imtihon  olish  vaqti  DYHXX  RIB 

(TRIB) tomonidan o’quv tashkilotining murojaatiga asosan oldindan belgilanadi.  

O’quv yurtida imtihon qabul qilish uchun rahbar buyrug’i bilan rais va ikki 

kishidan  iborat  imtihon  komissiyasi  tuziladi.  Qo’shimcha  ravishda  komissiya 

a’zolari  tarkibiga  muhandis-o’qituvchilar,  ishlab  chiqarish  ustalari,  agar 

haydovchilar tashkilot uchun tayyorlanayotgan bo’lsa, shu tashkilotning vakili ham 

kiritilishi mumkin. 

---

 

Imtihonga qo’yiladigan haydovchilikka nomzodlar tasdiqlangan o’quv rejasi 

va dasturini to’liq o’qib tugatgan va barcha fanlardan ijobiy yakunlovchi baho olgan 

bo’lishlari kerak. 

Haydovchilikka  nomzodlarning  nazariy  fanlardan  olgan  bilimi  besh  ballik 

baho  mezoni  bilan,  amaliy  egallagan  mahorati  va  tajribasi  «topshirdi»  yoki 

«topshirmadi» mezoni bilan belgilanadi. 

Imtihonlardan  o’ta  olmagan  o’quvchilar,  o’quv  yurtida  qo’shimcha 

tayyorgarlik ko’rgach, qaytadan imtihon topshiradilar. 

Imtihonlar  natijasi  haqida  imtihon  komissiyasi  raisi  va  a’zolari  tomonidan 

bayonnoma to’ldiriladi, so’ngra o’quv yurti rahbari tomonidan imzolanadi hamda 

muhr bilan tasdiqlanadi. 

O’quv yurtining imtihon va sinovlaridan muvaffaqiyatli o’tgan nomzodlarga 

imtihon komissiyasi bayonnomasiga asosan o’qishni bitirganliklari haqidagi yagona 

namunadagi guvohnoma beriladi. 

O’zbekiston  avtomobil  va  daryo  transporti  agentligi,  Ichki  ishlar  vazirligi, 

O’zbekiston  Respublikasi  Oliy  va  o’rta  maxsus  ta’lim  vazirligi  bilan  birgalikda 

ishlab  chiqib  tasdiqlangan  yagona  namunadagi  guvohnoma  haydovchilikka 

nomzodlar uchun o’qishni tugatganligini tasdiqlovchi hujjat bo’lib, hududiy kodga, 

seriya  va  ro’yxat  raqamiga  ega  bo’lishi  hamda  buyurtma  asosida  bosma  usulda 

tayyorlanishi lozim. 

Avtomototransport  vositalari  haydovchilarini  tayyorlash  va  qayta  tayyorlash 

o’quv dasturini tugatganligi haqidagi guvohnoma avtomototransport vositalarini 

boshqarishga ruxsat bermaydi.