Ш. А. ДЎстмуҳамедова, З. Т. Нишанова, С. Х. Жалилова

Э.З. Усманова тафаккурнинг энг муҳим тавсифи - бу тафаккур билан 
нутқнинг энг яқин ўзаро боғлиқлигидир, деб кўрсатиб ўтади. Муаллифнинг 
фикрича, у ёки бу фикр қанчалик ўйланган бўлса, у сўзлар орқали, оғзаки ва 
ёзма нутқда шунчалик аниқ ва мантиқий ифодаланади. Аксинча, қандайдир 
бир фикрнинг сўзлар ёрдамида шаклланиши қанчалик такомиллаштирилган 
бўлса, шу фикрнинг ўзи шунчалик аниқлашади ва англанилиб борилади. 
Агар биз ўқувчилар тафаккурини ривожлантиришни хоҳласак - унда улар 
нутқини ўстиришимиз, уларнинг ўз нуқтаи назарини ҳимоя қилишга 
ўргатишимиз, ҳатто асослаб бера олишликка, бошқача қарашларни эшита 

---

билишга, унда ўзининг “ўринли ҳиссасини қўшишга, ўринли танқид қила 
билишга, мунозараларга ўргатишимиз керак”
8
. 
Р.И.Суннатова фикрлаш фаолиятининг индивидуал - типологик 
хусусиятларини ўрганиб, бу хусусиятлар қаторига мустақил ёки мустақил 
эмаслик, ўзини-ўзи баҳолашда қонструктивлик - деструктивлик, фикрлаш 
фаолиятида қарор қабул қилиш бўйича шахслараро таъсир ўтказиш 
ҳолатларида қонфликтлик - қонформлик кабилар киришини таъкидлаган.
Шундай қилиб, мамлакатимиз психологлари ҳам тафаккур жараёни 
бўйича олиб бораётган изланишларида, энг аввало, фикрлашнинг 
англанганлик ва ижтимоийлик тамойилларга кўпроқ эътибор қаратган ҳолда 
мустақил, эркин фикрлай олиш қобилияти ижтимоий муносабатларга 
боғлиқлигига эътибор бермоқдалар ва бу хулоса диққатга сазовордир. 
Ижтимоий фаолиятда мавжудлиги каби мустақил фикрлашга алоқадор 
бўлган билиш фаолиятида ҳам операцион-техник томон ижтимоий хулқ 
томони билан қўшилиб кетади, яъни субъект-объект муносабати 
(субъектнинг объект билан ўзаро ҳаракати) “субъект-субъект” муносабатига 
айланади ва бу катта амалий аҳамият касб этади. Шахснинг билув 
фаолиятини ўрганишда мураккаб ўзаро муносабатнинг бу икки тури 
аниқланибгина қолмасдан, балки унинг тадқиқот усулини эътиборга олиш 
мақсадга мувофиқ. Ягона фаолиятнинг бу икки томонини бир-биридан 
ажратган ҳолда ўрганиш билиш фаолиятининг такомиллашуви, тараққиёти,
қонуниятлари ҳақида ҳаққоний маълумотлар олишга имкон бермайди. Бир 
томондан, шахснинг билиш фаолиятини предметнинг ўзи билангина ўрганиш 
хато, бошқа томондан, муомала механизмини билиш омилидан ажратиб 
ўрганиш ундан ҳам қийин. Билиш фаолиятининг гностик (билиш) ва 
мулоқот жиҳатлари ўзаро чамбарчас боғлиқ эканлиги учун ягона 
фаолиятнинг бу икки жабҳасидан биргаликда фойдаланиш зарур. Ана 
шундай диалектик ривожланиш фикрга ҳам тааллуқли бўлиб, мустақил 
фикрлашнинг сифати, самараси ва даражаси бевосита фикрловчини ўраб 
турган ижтимоий борлиқ ва ундаги муомала мароми, услубига боғлиқ. 
Фикрнинг шаклланиши жамият ва табиатда идрок этилаётган воқеа ва 
ҳодисаларни баҳолаш “кўр-кўрона” унга ишониш ёки ақл-идрок билан 
англашнинг нисбатидан келиб чиқади. Фикрнинг ва эътиқоднинг 
ривожланиши билиш жараёнида муҳим омил ҳисобланади, чунки ўқувчида 
фикрнинг пайдо бўлиши чуқурроқ билимга эҳтиёжни ҳосил қилади, бу эса ўз 
навбатида шахснинг жисмоний ва ақлий кучларини фаоллаштиради, 
мотивлар, ирода ва ақлий ҳаракатларнинг бирлигини таъминлайди, яъни 
шахс мустақил равишда ўзини-ўзи бошқаришга ундовчи ва бажарувчи 
омиллари бирлигини кафолатлайди. 
Тафаккур мустақиллигини ривожлантиришда ўқув фаолиятининг 
гуруҳий шаклларига катта аҳамият берилади, лекин бунда шахснинг 
индивидуал фаолияти, фикр ва ҳаракатларининг бетакрорлигининг роли ҳам 
8
Усманова Э.З. Ўқувчиларда мустақил тафаккурни қандай қилиб ривожлантириш мумкин. –Т.: Ўзбекистон. 
2000. 4 б. 

---

пасайтирилмайди. Яъни, одам ўзи ёлғиз бўлганидан кўра, одамлар орасида, 
гуруҳий баҳсларда ўзида мустақил фикрлаш қобилиятини ўстириши мумкин.
Ўсмирлик ёшининг муҳим хусусияти шундаки, бу даврда фаол, мустақил 
ижодий тафаккурнинг таркиб топиши бошланади. Ўсмирлик ёши ана шундай 
тафаккурнинг шаклланиши учун сензитив даврдир. Ўқувчилар олдида ҳал 
қилиниши лозим бўлган муаммо, масала юзага келган вазиятдагина уларда 
мустақил фикрлаш ўса бошлайди. Шунинг учун ўқитувчи ўсмирлар билан 
олиб борадиган машғулотларини мураккаблиги турлича бўлган муаммоларни 
мустақил равишда ҳал қилишга қизиқиш уйғотадиган тарзда уюштириши 
лозим. 
Бу даврда айниқса, ўсмирлар учун ўртоқлари билан дарсда ва дарсдан 
ташқари вақтларда бўладиган мулоқот муҳим аҳамият касб этади. Шунинг 
учун ҳам устозлар, мураббийлар, ота-оналар айни шу даврда уларнинг 
кимлар билан, нима хусусида баҳс юритишларига эътибор беришлари ҳамда
бу ишларни эса бошқаришлари жоиз.
Ваҳолангки, ҳозирги даврда мактабларда асосий эътибор хотирани 
ривожлантиришга, шу орқали айрим олинган фанларда кўтарилган мавзулар 
бўйича айрим алоҳида тушунчаларни эсда олиб қолиб айтиб беришга 
қаратилган. Афсуски, бевосита фикрни ривожлантириш, унинг ностандарт, 
эгилувчан сифатларини ўстиришга кам эътибор берилгани туфайли, ҳар бир 
синф, академик гуруҳнинг оз миқдордаги аъзолари мустақил фикрлаган 
ҳолда ўз фикрларини бемалол ўзгаларга узата оладилар.
Зеро, тафаккур мустақиллиги - бу шахснинг жамиятдаги мавқеи ва 
ижтимоий борлиқ моҳияти юзасидан ўзлаштирадиган билимлари, муомала 
жараёнида юзага келадиган ҳукмларининг шахсий фикр ва эътиқод 
даражасида идрок этилишидир.