Abdulla avloniy pandlar, hikoyalar, kitobidan

 

 

 

BOLARI  I LA  PASHSHA 

 

 

Bir Pashsha qir tarafdan uchub kelmakda o'lan Arini ko'rub: 

 

«Do'stim,  qaydan  kelursan?»  —  dedi.  Ari:  «Qirdan  kelurman.  Biroz  bol 

yig'dim.  Uy  yasamoq  uchun  mum  ham  hozirlab  keldim»,  —  dedi.  Pashsha:  «Oh 

birodar! Bir boshing uchun muncha harakat qilursan! Nima bo'lurki, san ham man 

kabi  rohatda  yashasang. Chunki  mening  yashamoqimda  hech  bir  mashaqqat  yo'q. 

Insonlar  tarafindan  hozirlangan  dasturxonlardan  har  xil  taomlarni  yeb-ichub  umr 

o'tkarurman.  Ba'zi  vaqtlarda  sani  yasagan  bolingdan  ham  to'yganimcha  yerman. 

Mana!  Yashamoq  mana!  Umr  kechurmaq  uchun  olamda  mundan  yaxshi  turmush 

bo'lurmi?  Na  manda  bol  hozirlamak  mashaqqati  va  na  uya  solmak  kulfati  bor»,  -

dedi. Ari bu so'zlarga javoban dediki: 

 

«Oh  do'stim!  Bu  sani  turmushing  o'z  boshingdan  beri  kelmasun. 

Mashaqqatsiz taomda lazzat bo'lurmi?! 

 

Insonlar sani sufradan quvarlar, urarlar, o'ldirurlar. San olamda o'g'rilar kabi 

umr  o'lkarursan.  Oxirda  bir  o'rgumchak  luqmasi  bo'lmakdan  boshqa  bir  narsaga 

yaramazsan.  Ammo  maning  tayyorlagan  mumim  hamma  ibodatxonalarni  yorutar. 

Bolim  dunyoning  hamma  yerinda  maqbuldur.  Insonlarning  og'izlarini  totli  qilur. 

Shul  sababli  insonlar  mani  o'zlari  tarbiya  qilurlar  va  har  yerda  mani  maqtariar», 

dedi-da,  «Qo'y,  birodar,  mani  ishim  ko'b,  san  ila  behuda  so'zlarni  so'zlashub 

tururga vaqtim yo'q», — deb uchub ketdi. 

 

Hissa: Mehnat — oxiri rohat, yalqovlik — oxiri xorlikdur.