Quloq tomoq

Follikular angina – birlamchi anginaning eng og‘ir turi. 
Yallig‘lanish jarayoni faqat shilliq parda yuzasini emas, 
balki follikulalarni ham qamrab oladi. Bemorning umumiy 
ahvoli va kasallik belgilari lakunar anginaga o‘xshash bo‘lib, 
faqat klinik ko‘rinishi yaqqolroq kechib tana harorati 40–
41°C gacha ko‘tarilishi mumkin.
Faringoskopiyada bezlarning yuzasi shishib, qizargani-
dan tashqari yiringlagan follikulalar ko‘rinadi. Ular may-
da sarg‘imtir rangli pufakchalar bilan qoplangan bo‘ladi. 
Ko‘pincha bemorda bir vaqtning o‘zida follikular hamda 
lakunar angina alomatlari aniqlanadi. Kasallik 5–7 kun 
davom etadi.
Birlamchi anginalarga tashxis anamnestik ma’lumotlar, 
kasallikning klinik manzarasi, faringoskopiya natijalari, 
laboratoriya tahlillari natijalariga asosan qo‘yiladi.
Birlamchi anginalarga quyidagi belgilar xos. Tez-tez 
anginalar kuzatilishi, yutinganda tomoqda ikki tomonlama 
og‘riq, ikki tomonlama limfadenit, tana haroratini 38°C va 
yuqori ko‘rsatgichlargacha ko‘tarilishi, qon tahlilida o‘zga-
rishlar – leykositoz, leykositar formulasining chapga siljishi, 
ECHT ning oshishi; siydikda – albuminuriya, mikrogema-
turiya; kasallik kechishini siklik ravishda o‘tishi (har safar 
kasallik qisqa muddat 3–7 kungacha davom etadi).
Davolashni konservativ usulda uy sharoitida olib borish 
mumkin.