Тузувчилар: т

 
Оддий оқсиллар эрувчанлигига кўра қуйидаги 
гуруппаларга бўлинади: 
Альбуминлар дистилланган сувда эрувчи оқсиллар бўлиб, қиздирилганда 
чўкмага тушади. Улар барча ҳужайралар таркибида учрайдиган энг кўп 
тарқалган оқсиллардир Эритма аммоний сульфат тузини тўйинган эритмаси 
билан тўйинтирилганда чўкмага тушади. Бундай оқсиллар бошоқлилар, 
дуккаклилар унидан, сут, гўшт, тухум, зардоб ва бошқа биоматериаллардан
ажратиб олинади. 
Глобулинлар тузларнинг 10% ли эритмаларида эрийди, ҳужайра ва 
тўқималар таркибида доим альбуминлар билан биргаликда учрайди, сувда 
12 

---

эримайди, қиздирилганда коагуляцияланади, суюлтирилган туз эритмаларида 
эрийди, туз концентрацияси ортиши билан дарҳол чўкмага тушади. 
Глютелинлар кучсиз ишқорий муҳитда эрувчи оқсиллар бўлиб, нейтрал 
эритувчиларда эримайди, аммо суюлтирилган ишқорлар ва кислоталарда 
эрийди. Улар донлар (буғдой, арпа, қора буғдой, шоли ва бошқалар) таркибида 
учрайди. Гуручдан олинадиган оризенин, буғдойдан олинадиган глютенин шу 
группага киради. 
Пролаиминлар ва глиадинлар, булар 70—80% этил спиртида эрувчи 
оқсиллар бўлиб, сувда, туз эритмаларида ва мутлоқ спиртларда эримайди. 
Уларнинг асосий вакили – глиадин буғдой донининг эндоспермасида учрайди. 
Проламинлар қаторига яна арпа таркибидаги гордеин ва маккажуҳори дони 
таркибидаги зеин оқсиллари киради. Улар таркибида нисбатан кўп миқдорда 
пролин аминокислотаси бўлади.
Гистонлар сувда эрийди, лекин суюлтирилган аммиакда эримайди. Бошқа 
оқсиллар эритмаси гистонларни чўктиради. Улар қиздирилганда пайдо бўлган
чўкмалар суюлтирилган кислоталарда эрийди. Гистонлар кучсиз ишқор 
табиатига эга эканлиги билан бошқа оқсиллардан кескин фарқ қилади. Бу 
ҳусусият гистонлар таркибида диаминомонокарбон аминокислоталарнинг 
ҳаддан ташқари кўп эканлигини билдиради. Уларнинг изоэлектирик нўқталари 
ҳам ишқорий муҳитга тўғри келади.