Илмий фаолиятга тайёргарлик асослари

Тадқиқот мақсадлари ва вазифалари. 
Бу диссертация тадқиқотининг стратегияси ва тактикасидир. 
Диссертация тадқиқотининг мақсадини ифодалашда шуни назарда тутиш 
керакки, диссертация учинчи бобининг номи ва мазмуни мақсадни очиб 
бериши лозим. Вазифаларнинг санаб ўтилиши имплицит равишда бутун 
иш матнининг режаси ва ички мантиқини беради.
¾ 
Муаммонинг ишлаб чиқилганлик даражаси.
Бу ерда ушбу муаммонинг турли жиҳатлари билан шуғулланган 
мамлакатдаги ва чет эллардаги олимларни санаб ўтиш, етарли даражада 
ёритилмаган масалаларни қайд қилиш керак. Муаллиф мавзуни яхши 
ўзлаштирганлиги, илмий матнлар ва библиографик материал билан ишлаш 
услубини 
эгаллаганлигини 
намойиш 
этиши, 
бундан 
олдинги 
тадқиқотчилар ва замондошларнинг бу муаммо ечимига қўшган ҳиссасини 
тўғри баҳолай олишини тасдиқлаши лозим. 
Мабодо бу муаммо етарли даражада яхши ўрганилган бўлса, унда 
мазкур муаммога мавжуд нуқтаи назарларнинг таснифини таклиф қилиш 
янада яхши бўлади. Агар муаммо яхши ўрганилмаган, олимларнинг 
диққатини ўзига жалб этмаган бўлса, унда буни қайд қилиб ўтиш керак 
бўлади, чунки бунда ижод қилиш имконияти янада кенгаяди.
Пировард натижада адабиётлар таҳлили айни шу мавзунинг ҳали 
очиб берилмаганлиги (ёки фақат қисман очиб берилганлиги ёки бошқа 
жиҳатдан очиб берилганлиги) ва шунинг учун бундан кейин ишлаб 
чиқилиши зарурлиги тўғрисидаги хулосага олиб келиши керак.
¾ 
Тадқиқотнинг илмий янгилиги. 
Бу ерда тадқиқот жараёнида асосий хулоса сифатида олинган, тўғри 
қўйилган масаладан ва бу масалага жавоб берадиган тадқиқ этилган 
зарурий ва етарли ҳолатлардан мантиқан келиб чиқадиган фикрлар 
қисқача баён қилинади. Бу аниқланган янги факт, қўйилган вазифанинг 
асосли ечими, янги маълумотларнинг илмий муомалага олиб кирилиши, 
маълум фактнинг янгича шароитлар учун тасдиқлаши бўлиши мумкин. 

---

110
Янгиликни олинган натижани маълум бўлган натижалар билан 
солиштириш орқали кўргазмали тарзда кўрсатиш ҳам мумкин. 
¾ Тадқиқот объекти ва предмети. 
Тадқиқот объекти ва предмети ўзаро бир-бири билан умумий ва 
хусусий сифатида ўзаро нисбатда бўлади. Объектда унинг тадқиқот 
предмети бўлиб хизмат қиладиган қисми ажратиб кўрсатилади. 
Диссертантнинг асосий эътибори айни шу нарсага қаратилади, айнан 
тадқиқот предмети диссертация ишининг титул варағида сарлавҳа 
сифатида ифодаланган мавзуини белгилайди.
¾