Microsoft Word iqbol mirzo ziyouz com doc

BIR LAHZA 
 
Bir lahzada bahor senga bo‘lar kuz – 
Toleing bir lahza jilmayib boqsa... 
Muhabbatim bilan keldim yuzma-yuz, 
Yer osti yo‘lida... faqat bir lahza. 
 
Umrim tuproq edi, aylana tuproq, 
Oyog‘im ostida tuproqlar oqti. 
Bu baxt – bir-biriga tomon kavlab choh, 
Nihoyat uchrashgan tutqunlar baxti! 
 
Bir lahza bo‘lsa-da, yashadik birga, 
Dildan tuproq ketdi, ko‘zdan ketdi kir. 
Men nechun shukrona aytmay taqdirga, 
Men uni ko‘rdim-ku, ko‘rdim-ku, axir! 
 
Aziz qadamjolar men uchun tamom, 

---

Sizni kuylayman (she’rlar to’plami). Iqbol Mirzo