Ўзбек тили, адабиёти ва фольклори институти ҳузуридаги илмий даражалар берувчи dsc

Тадқиқотнинг илмий янгилиги қуйидагилардан иборат: 
иш юритиш ҳужжатлари тили ва лексикасининг шаклланиш тарихи 
ўрганилиб, манбалар асосида ёритиб берилган; 
соҳа терминологияси шаклланиши ва бойишининг ички ва ташқи 
манбалари ишончли фактлар асосида белгиланган; 
иш юритиш терминларининг ҳосил бўлиш усуллари аниқланиб, 
терминларнинг структур таҳлили амалга оширилган; 
иш 
юритиш 
ҳужжатларининг 
матний, 
услубий-синтактик 
хусусиятлари ўрганилган ва кенг қўлланувчи синтактик конструкциялар 
аниқланган; 
“Давлат тили ҳақида”ги қонуннинг иш юритиш терминологиясини 
қайта шакллантиришдаги аҳамияти далиллар асосида кўрсатилган; 
иш юритиш терминологиясида нуқсон саналган синонимия, 
дублетлик, вариантлилик ҳодисалари ўрганилган ва уларни бартараф этиш 
юзасидан тавсиялар ишлаб чиқилган. 
Тадқиқотнинг амалий натижалари қуйидагилардан иборат: 
иш юритиш соҳасида синоним, дублет, вариант шаклларда 
қўлланаётган луғавий бирликларни меъёрлаштириш бўйича ишлаб 
чиқилган тавсиялар бу соҳада юзага келаётган чалкашликларнинг олдини 
олишга хизмат қилади; 
иш юритиш доирасида амал қиладиган расмий иш услубини 
грамматик жиҳатдан тадқиқ ва таҳлил қилиш натижасида олинган 
хулосалар “Давлат тилида иш юритиш”, “Ҳозирги ўзбек адабий тили”, 
“Стилистика” ва “Нутқ маданияти ва услубият асослари” фанлари бўйича 
яратилаётган дарслик ва ўқув қўлланмалар учун манба ва материал 
сифатида хизмат қилади; 
иш юритиш терминологиясига бевосита ва билвосита алоқадор 1400 
дан ортиқ терминларнинг маъноси изоҳланган “Иш юритиш 
терминларининг қисқача изоҳли луғати”нинг тузилиши “Давлат тилида 
иш юритиш” фанини ўзлаштиришда, шунингдек, корхона, муассаса ва 
ташкилотларда иш қоғозлари билан ишлашда қулайлик туғдиради.
Тадқиқот натижаларининг ишончлилиги муаммонинг аниқ 
қўйилганлиги, хулоса ва натижаларда аниқ илмий манбаларга таянилгани, 
чиқарилган илмий хулосаларнинг тавсифий, структур, қиёсий, статистик 
таҳлиллар билан асослангани, терминларни таҳлил қилишда аниқ амалий 
манбалардан фойдаланилгани билан белгиланади.