Microsoft Word 13. Ma'Ruzalar matni

Xom  ashyo  va  material  zaxiralari  har  bir  turiga  sarflanadigan  kapitalga  bo‘lgan 

talabni  aniqlashda  ularni  bir  kunlik  ishlatish  sarflarini  kunlarda  ifodalangan  zaxiralar 

me'yoriga  ko‘paytirish  talab  qilinadi.  Xom  ashyo  va  materiallar  zaxiralari  me'yorlarini 

yaratishda  qishloq  xo‘jaligining  mavsumiy  xususiyatlarini  e'tibordan  qochirmaslik  lozim. 

Chunki,  qishloq  xo‘jaligida  xom  ashyo  va  materiallarga  bo‘lgan  talab  ekinlarni  ekish  va 

parvarishlash jarayonining eng tig‘iz davrlarida (yerlarni haydash va ekishga tayyorlash, ekish 

mavsumi, hosilni parvarishlash va yig‘ib olish davri) ko‘payadi.  

Chorvachilik  tarmog‘ida  ishlab  chiqarishning  texnologik  jarayonlari  nisbatan  bir 

me'yordaligi bilan farq qiladi. Bu holat chorva mollarini ozuqlantirish tizimi talablariga ko‘ra 

ozuqa va yem-xashak zaxiralari bo‘lishini talab etadi.  

+

×

=

---

Bahor, yoz va erta kuz fasllarida o‘stiruvdagi yosh va asosiy podadagi chorva mollari 

dalalarda haydab boqilishi tufayli yem-xashakka talab tabiiy yo‘l bilan qondiriladi. Ammo, bu 

fasllarda  qish  oylari  uchun  yem-xashak  jamg‘arish  talab  etiladi  va  yem-xashak  zaxiralariga 

bo‘lgan  talabni  hisoblashda  buni  e'tiborga  olish  lozim.  Shu  bilan  birga  boquvdagi  chorva 

mollari  uchun  yem-xashak  zaxiralari  yil  fasllari  bo‘yicha  nisbatan  bir  maromda  bo‘lishiga 

ham e'tibor berish lozim bo‘ladi  

Chorvachilik  tarmog‘ida  o‘simlikchilik  tarmog‘ida  yaratilgan  mahsulotlarning  bir 

qismi yem-xashak va ozuqa sifatida ishlatiladi.