Таълим вазирлиги самарқанд иқтисодиёт ва сервис институти

Муаллифлик ҳуқуқи – бу ѐзилган китоб, яратилган мусиқа , 
тасвирий санъат ва бошқа асарлар учун унинг муаллифига берилган 
ҳуқуқ. Ушбу ҳуқуқ асарлар эгаларига уларни чоп эттириш, қайта 
босмага бериш, кўпайтириш, сотиш, ѐздириш, ижро этиш, тақсимлаш ва 
шу каби бошқа ҳаракатларни қилишни ўз ичига олади. 

Лицензия –бу у ѐки бу хўжалик фаолияти, хўжалик операцияси 
билан шуғулланиш учун давлатнинг компетент органи томонидан 
берилган рухсатнома. Лицензия махсус расмий ҳужжат бўлиб, у 
корхонага унда кўрсатилган фаолият турини белгиланган муддат ичида 
амалга оширишга рухсат беради. Лицензия олиш лозим бўлган фаолият 
ѐки операцияларнинг турлари, лицензия бериш ваколати юклатилган 
компетент органлар давлат томонидан белгиланади. Масалан, дори-
дармон ишлаб чикариш бўйича лицензияни Соғлиқни сақлаш 
Вазирлиги, туристик хизматларни кқрсатиш учун лицензияни 
«Ўзбектуризм» ассоциацияси, аудиторлик фаолияти билан шуғулланиш 
учун лицензияни Молия Вазирлиги беради. Лицензия олиш учун 
корхона тегишли компетент органга қуйидаги ҳужжатларни тақдим 
этади: 

Лицензия бериш тўғрисида ариза, унда фаолият тури, муддати 
кўрсатилади; 

---


Корхонанинг натариусдан тасдиқланган таъсис ҳужжатлари 
(таъсис шартномаси, устав, давлат рўйхатидан ўтганлик тўғрисидаги 
қарор ва бошқалар); 

Давлат солиқ идорасида ҳисобга олинганлик тўғрисидаги 
маълумотнома нусхаси; 

Бошқа талаб қилинган ҳужжатлар 
Лицензия берилган муддатида кучга эга бўлади. Корхонанинг 
тугатилиши билан лицензия ўз кучини йўқотади.
Савдо маркаси, савдо белгилари ва саноат намуналари- бу 
корхона томонидан ишлаб чиқариладиган маҳсулот ѐки хизмат учун 
берилган номлар ѐхуд рамзлар, масалан «Кока-Кола», «Нексия», 
«Сони», «Хон» ва шу кабилар. Эгалик қилиш мақсадида ушбу савдо 
маркалари, савдо белгилари ва саноат намуналари давлат рўйхатидан 
ўтқазилиши мумкин. Рўйхатдан ўтқазилган белгилар, рамзлар бўйича 
эгалик ҳуқуқи қонун асосида ҳимояланади.