Таълим вазирлиги а.ҚОдирий номидаги жиззах давлат педагогика

Ёд этмас эмиш кишини ғурбатда киши, 
Шод этмас эмиш кўнгулни меҳнатда киши. 
Кўнглум бу ғарибликда шод ўлмади,оҳ, 
Ғурбатда севинмас эмиш албатта киши.(...-бет) 
Бобур бу рубоийсида гарчи ўз аҳволини тасвирлаган бўлса 
ҳамки,унинг ёзилишида Алишер Навоийнинг мана бу машҳур рубоийси 
таъсир ўтказганлигини олимлар тўғри қайд қилиб ўтишган: 
Ғурбатда ғариб шодмон бўлмас эмиш, 
Эл анга шафиқу меҳрибон бўлмас эмиш. 
Олтин қафас ичра гар қизил гул бутса, 
Булбулға тикандек ошиён бўлмас эмиш. 
Бобур эса бегона ўлкаларда ўзини “олтун қафас”ичидаги “булбул”га 
ўхшаб ҳис этгани учун ҳам “Ғурбатда севинмас эмиш албатта киши”,-деб 
ёзган эди. 
Маълумки, 
Бобурнинг 
“Рисолаи-аруз” 
китоби, 
уни 
шарқ 
шеъриятининг нозик билимдони, улкан назариётчи олим сифатида 
кўрсатади. Навоийшунос Абдурашид Абдуғафуровнинг таъкидлашича, 
“Рисолаи-аруз”ни ёзишга ҳозирлик кўрар экан, Бобур аввало Навоий 
тажрибасига мурожаат қилади. Унинг “Мезон ул-авзон”ини, шунингдек 
лирик меросини қунт билан ўрганиб чиқади. Шу жараёнда у 
“Бобурнома”да гувоҳлик берганидек, “Хазойин ул-маоний” девонларидан 
ажратиб, махсус бир тўплам тузади...Шуни айтиш керакки, Бобур ўз 
асарини ёзар экан,Навоий далолатига икки юздан зиёд марта мурожаат 
қилади, бир юз олтмишдан ортиқ, матлаъни, тўрт бутун ғазални намуна 
сифатида келтиради”. 
Барча етук шоир ва адиблар сингари Бобур ҳам фақат алоҳида шахс 
тақдири билан эмас, балки бутун халқ маънавий, ахлоқий ҳаёти билан 
қизиққан. Шоир айни пайтда миллий мазмундаги фикр ва тушунчалардан 
бахс юритар экан, уларни умуминсоний қадриятлар нуқтаи назаридан 
баҳолашга интилади.
Бобур рубоийларида такрор-такрор ишқ-муҳаббатдан баҳс юритар 
экан, бу туйғу заминида олийжаноблик, саҳоват, ҳиммат, фидоийлик 
сингари ўнлаб фазилатлар инсон кўнглида кенг томир ёзишига ҳам 
алоҳида урғу беради. Бобурнинг назарида ёрга садоқат, қалбдаги энг 
самимий, энг покиза ҳис туйғуларга содиқлик билан тенг мазмунга эгадир. 
Бундан ташқари, Бобур рубоийларидаги ниҳоятда ибратли ва муҳим бир 
жиҳат уларда ёр ишқи билан диёр, яъни Ватан севгисининг ўзаро 
уйғунликда тасвирланганлигидир.