Өзбекистан республикасының физикалық ҲƏм юридикалық шахслардың

3. Пуқаралардың өзин өзи басқарыў органларына 
мүрəжатлар тараўындағы қатнасықларды тəртипке салыў.
Түсиник берилип атырған статьяның екинши бөлиминде 
белгилеп қойылған режеге муўапық, пуқаралардың өзин өзи 
басқарыў органларына мүрəжатлар тараўындағы қатнасықлар 
усы Нызамда белгиленген тəртипте ретлестириледи. Бул демек, 
физикалық ҳəм юридикалық шахслардың пуқаралардың өзин 
өзи басқарыў органларына беретуғын мүрəжатлары усы Ны-
замда белгиленген нормаларға муўапық көрип шығылады.
4. Пуқаралардың мүрəжатлары ҳаққындағы Нызам 
қолланылмайтуғын тараў.
Түсиник берилип атырған Нызамда оның қолланылыў 
шеңбери анық белгилеп берилген, яғный ол, көрип шығылыў 
тəртиби ҳəкимшилик жуўапкершилиги ҳаққындағы, пуқаралық-
процессуал, жынаят-процессуал, жынаят-атқарыў, хожалық-
процессуал нызам ҳүжжетлери ҳəм басқа нызам ҳүжжетлери 
менен белгиленген мүрəжатлардан тысқары, физикалық 
ҳəм юридикалық шахслардың мəмлекетлик органларға ҳəм 
мəмлекетлик мəкемелерге мүрəжатларының барлық түрлерине 
енгизиледи. 
Усы Нызамның əмел етиўи мəмлекетлик органлардың, 
сондай-ақ, олардың қурам бөлимлериниң өз-ара жазысыўларына 
байланыслы да енгизилмейди.
Түсиник берилип атырған Нызамның мазмунына көре, 
физикалық ҳəм юридикалық шахслардың мəмлекетлик хызмет-

---

21
лер көрсетиў мəселелери бойынша берген сораўлары, арзалары 
ҳəм басқа да мүрəжатлары мүрəжат деп есапланбайды. 
Мəселен, егер физикалық шахс – пуқара банк мəкемесиниң 
конверсиялық бөлимине валюта есап бетин ашыў ҳəм өзине 
«VIZA» карточкасын бериў туўралы арза менен мүрəжат 
етсе, бул мүрəжат түсиник берилип атырған «Физикалық ҳəм 
юридикалық шахслардың мүрəжатлары ҳаққында»ғы Нызам 
мазмунына бола, ҳуқықый қатнасықлар субъекти сыпатындағы 
физикалық шахстың мүрəжаты деп есапланбайды, себе-
би бул мүрəжат хызмет тəртибинде берилгенлиги себепли 
мəмлекетлик хызметлер көрсетиў мəселеси бойынша берилген 
арза болып есапланады, яғный:
бириншиден, пуқараның берген арзасына муўапық, усы 
банк мəкемеси оған дəрҳал хызмет көрсетиўи тийис;
екиншиден, оның бул мəселе бойынша арзасына түсиник 
берилип атырған Нызам менен белгиленген мүддетлерде жуўап 
бериў зəрүр емес, себеби бул арза бойынша мəселе тиккелей 
арза берилген ўақытта шешиледи.