Iqtisodiy bilim asoslari

127

127

126

27- MAVZU

FAOLLASHTIRUVCHI SAVOL VA TOPSHIRIQLAR

XALQARO IQTISODIY MUNOSABATLAR

Koreya Respublikasi 2014–2017- yillarda O‘zbekistonga Iqtisodiy taraqqiyot

va  hamkorlik  jamg‘armasi  orqali  250  mln  AQSH  dollari  miqdorida  mablag‘

ajratishni rejalashtirmoqda.

Bungacha 2013- yil dekabr oyi holatiga ko‘ra, ushbu jamg‘arma tomonidan

O‘zbekistonda  yettita  loyihani  amalga  oshirish  uchun  230  mln  AQSH  dollari

ajratilgan.

O‘zbekiston Respublikasi va Koreya Respublikasi kichik biznes subyektlari

o‘rtasida  mutaxassislar  va  texnologiyalarni  o‘zaro  ayirboshlashni  tashkil  qilish,

davlat,  davlat  boshqaruvi,  bojxona  ishi  va  moliyaviy  sektorlarga  axborot

texnologiyalarini  joriy  qilish  bo‘yicha  hamkorlikdagi  ishlarni  davom  ettirishga

kelishib oldilar.

 Mamlakatlar  “Surgil”  gaz  konini  jihozlash  loyihasi  va  Ustyurt  gaz  kimyo

majmuasi qurilishi doirasida ham hamkorlik qiladilar

Samarqand  viloyatida  quyosh  elektrostansiyasi  qurilishi  loyihasi  doirasida

hamkorlik qilish bo‘yicha ishchi guruh tuzishga ham kelishib olindi.

1.  Koreya  Respublikasi  O‘zbekistonda  yuqorida  keltirilgan  loyihalarni  amalga

oshirishdan qanday manfaat topadi, deb o‘ylaysiz?

2.  O‘zbekiston Respublikasi bu loyihalarni qanday maqsadlarni ko‘zlab amalga

oshirmoqda?

3.  Kichik biznes subyektlari darajasidagi o‘zaro aloqalarning qanday o‘ziga xos

afzalliklari bor?

1. Davlatlar nima sababdan o‘zaro savdo-sotiq qilishini tushuntirib bering.

2. Davlatlar o‘rtasidagi savdo-sotiqning ahamiyati nimada?

3. Mutlaq va nisbiy ustunlik tamoyillarining bir-biridan farqi nimada?

4. Mamlakatimiz qanday tovarlar ishlab chiqarish bo‘yicha MDH mamlakatlariga

nisbatan mutlaq ustunlikka ega deb o‘ylaysiz?

5. Import va eksportning bir-biridan farqi nimada?

6. Agar bir davlat ikkinchi davlatga biror tovarni eksport qilayotgan bo‘lsa, ikkinchi

davlat uchun bu tovar nima deb ataladi?

7. Mamlakatning tashqi savdo hajmi nimadan tashkil topadi?

8. Mamlakatning tashqi savdo saldosi qachon manfiy va qachon musbat bo‘ladi?

Bularning qay biri mamlakat uchun foydali?

9. Tashqi savdoning tarkibi mamlakat iqtisodiyoti haqida qanday ma’lumot beradi?

10. “Faqat o‘zimizda ishlab chiqarilgan tovarlarni sotib oling! Bu bilan mamlakatimiz

ishlab chiqaruvchilariga yordam bergan bo‘lasiz! Mamlakatimizdagi narx-navo

shundagina pasayadi!” degan chaqiriqlarga o‘z munosabatingizni bildiring.

11.  Dilshod  Qayumov  firmaning  eng  yaxshi  menejeri.  Kompyuterda  ishlashni

ham juda yaxshi biladi. Firmaning umumiy ishiga eng ko‘p manfaat keltirish

uchun Dilshod Qayumov qaysi faoliyat bilan shug‘ullangani ma’qul: a) faqat

menejerlik; b) faqat kompyuterda ishlash; d) ham kompyuterda, ham menejer

bo‘lib ishlash. Javobingizni nisbiy ustunlik tamoyili yordamida asoslang.