Kartografiya va geovizuallashtirish

7-bob. INTERNET VA INTERNET GAT 
NINGTARMOQLARBILANISHLASHASOSLARI 
 
7.1.Internet va uning imkoniyatlari 
Kompyuter  texnologiyalari  dunyoda  jadallik  bilan  rivojlanayotgan 
sohalardan  biriga  aylanib  bormoqda.  Kompyuterlar  asta-sekin  insonlar  hayotiga 
kirib bormoqda, ya‘ni faol ish yurituvchini internet global tarmog‗isiz, intellektual 
ishchini  esa  ish  joyida  kompyutersiz  tasavvur  qilish  qiyin.  Kompyuter 
texnologiyalari inson hayot tarzida, kichik va katta korxonalarda, kompaniyalarda, 
o‗quv dargohlarida, davlat muassasalarida ulkan ahamiyat kasb etmoqda. So‗nggi 
yillar  mobaynida  esa  veb-kartografiya  tushunchasi  ommalashib,  internet 
tarmoqlaridan foydalangan holda kartografik amallar bajarish (masalan, kartalarni 
yaratish,  ularni  yangilash,  vizuallashtirish  va  hokazo)  hamda  bir  vaqtning  o‗zida 
bir  necha  foydalanuvchi  turli  kartografik  ma‘lumotlardan  foydalana  olishi  kabi 
yondashuvlar  alohida  o‗ringa  ega  bo‗lib  bormoqda.  An‘anaviy  kartalar  aynan  bir 
lahzalik fazoviy holat va munosabatni ko‗rsatish kabi vazifalar bilan chegaralansa, 
internet  imkoniyatlaridan  foydalangan  holda  kartalar  interfeys  yoki  qo‗shimcha 
ma‘lumotlarga  indeks  vazifalarini  ham  bajarishi  mumkin.  Masalan,  ma‘lum 
obyektning  geografik  o‗rnini  suratlar,  matnlar,  ovozli  xabarlar  yoki  boshqa  bir 
kartalar  kabi  qo‗shimcha  va  yordamchi  ma‘lumotlarga  bog‗lash  mumkin.  WWW 
(World  Wide  Web  –  ingliz  tilida  Dunyo  o‗rgimchak  to‗ri  ma‘nosini  anglatadi) 
multimedia  sifatida  qo‗llanilishi  mumkin  bo‗lib,  mijoz  tomonidan  qabul 
qilinayotgan  ma‘lumotlar  asosan  kartalar  orqali  vizuallashtiriladi.  Bu  esa,  o‗z 
navbatida,  foydalanuvchilar  uchun  biror-bir  ma‘lumot  tarkibi  hamda  qamrovi 
haqida  tushunchaga ega bo‗lish kabi qulaylikni yaratib beradi. 
Internet  GAT  fanining  maqsadi  veb  yoki  internet  (ushbu  atamalar 
keyinchalik teng ma‘noda qo‗llaniladi) kartografiyasi hamda unga bog‗liq bo‗lgan 
fan  sohalaridagi  zamonaviy  imkoniyatlarni  va  ular  oldida  turgan  muammolarni 
ko‗rib chiqishga qaratilgan. Shuningdek, internet asosida kartalar yaratish fanining 
rivojlanish  yo‗li,  undagi  o‗zgarishlar  va  kelajak  istiqbollari  kabi  jihatlarga  ham 
alohida urg‗u berib o‗tiladi. 

---

 
 
119 
Kartaga  atrof-muhitimizning  grafik  tasviri  sifatida  ta‘rif  berish  mumkin, 
lekin unga beriladigan ta‘riflar ham vaqt o‗tishi bilan o‗zgaradi. Veb-kartalarning 
yaratilishi  ham  qaysidir  ma‘noda  karta  ta‘rifi  o‗zgarishiga  sabab  bo‗ldi.  Veb-
kartalar  an‘anaviy  kartalardan  farqli  ravishda  veb-brauzerlarda  tasvirlanadi. 
Shunga  mos  tarzda  veb-kartalarning  brauzerlarda  tasvirlanishi,  internet  tarmog‗i 
bo‗ylab  aylanishini  inobatga  olgan  holda  ularning  loyihalari  tuzilishiga  hamda 
hajmiga ma‘lum cheklovlar belgilab qo‗yiladi.