Низомий номидаги тошкент давлат педагогика

Мусиқа зинапояси- мусиқали товуш қаторларига эга бўлган саккиз 
пиллапояли зинапоя, ёғоч ёки пластмасса асосдан ва металл пластиналар 
маҳкамланган олинадиган зиначилардан иборат. Металл пластиналарга 

---

77 
болғача билан урилганда, маълум баландликдаги товуш хосил бўлади. 
МТМда ўтқазиладиган дидактик мусиқа ўйинларида қўлланади. 
Мусиқа машғулотлари- мусиқий нутқ ва мусиқа тилининг ўзига хос 
хусусиятларига бағишланган машғулотлар тури. Мавзулари: «Қаттиқ- 
секин», «Баланд-паст», «Мусиқанинг учта жанри», «Мусиқа нима ҳақда 
ҳикоя қилади? » ва ҳ.қ. 
Мусиқа раҳбари- МТМ жамоаси таркибига кирадиган педагогик 
ходим, мусиқа фаолиятининг ташкил этишнинг турли шакллари ва 
кўринишларидан фойдаланиб, тарбияланувчиларнинг мусиқага бўлган 
иқтидорларини ривожлантириш, эстетик таъбини шакллантириш ишлари 
билан шуғулланади. Мусиқа раҳбари битта ёки бир нечта мусиқа 
асбобларини чалишни билиши, амалга ошириладиган педагогик фаолият 
йўналишларини тарбияланувчиларнинг индивидуал ва ёш хусусиятларини, 
уларнинг ижодий қобилиятларини ҳисобга олган ҳолда белгилаши лозим. 
Мусиқа ритмини сезиш- мусиқадан чуқур таъсирланиш ва бунинг 
натижасида мусиқанинг ритмик ифодалигини ҳис этиш қобилияти. 
Мусиқа тарбияси- этетик тарбия соҳаларидан бири; МТМ ва 
мактабларда амалга оширилади. Болада ижодкорлик қобилиятини 
шакллантириш мақсадида унинг мусиқа маданиятини тарбиялаш ва 
мусиқавий майлларини ривожлантиришга қаратилган махсус ташкил 
этилган педагогик жараён. Мусиқа тарбиясининг вазифалари: болага 
мусиқани севиш ва тушунишни ўргатиш, унинг мусиқани эшитиш 
қобилиятини ва мусиқага ҳавасини ривожлантириш , унга энг содда 
ижрочилик кўникмаларини сингдириш (куйлаш, ҳиргойи қилиш). 
Мусиқа терапияси- психотерапевтик методлардан бири , мусиқанинг 
ўзига хос хусусиятларидан даволаш воситаси сифатида фойдаланишга 
асосланган Мусиқашуносларнинг мусиқа назарияси, мусиқа тарихи, мусиқа 
эстетикаси, мусиқа танқиди, мусиқа фолғклоршунослиги каби соҳаларининг 
ютуқларига таянади.