Самиси ўқув услубий

Истеъмолчилар — мазкур фирма маҳсулотининг харидорлари 
ҳисобланадиган жисмоний ва ҳуқуқий шахслар (фуқаролар, оилалар, 
фирмалар, жамоат ташкилотлари ва давлат муассасалари). Истеъмолчилар 
ўртасидаги катта фарққа қарамай, уларда умумий хусусиятлар бор. Улар 
маркетинг мақсадларига боғлиқ ҳолда мақсадли гуруҳларга бирлаштирилиши 
мумкин бўлган жинс, ёш, малака, эҳтиёжлар таркиби, даромадларни 
белгилайди. Умуман, бозордаги хатти-ҳаракатлари стратегияси жиҳатидан 
бир-биридан анча фарқ қиладиган истеъмолчиларнинг беш тури фарқланади. 
Булар якка истеъмолчилар, оилалар ёки уй хўжаликлари, воситачилар, 
таъминотчилар, давлат ва жамоат ташкилотларининг масъул шахслари ёки 
ходимларидир. 
Салмоқли қисмини якка истеъмолчилар ташкил этади, яъни аҳолининг 
товар ва хизматларни фақат ўзининг шахсий фойдаланиши учун сотиб 
оладиган қисми. Оилалар ёки уй хўжаликлари асосан озиқ-овқат ва ноозиқ-
овқат маҳсулотларини харид қиладилар. Миқёсларига ва харидларининг 
ҳажмига кўра улар ҳам истеъмолчиларнинг асосий турига киради. 
Воситачилар анча профессионал харидорлардир, зеро, улар товарларни 
асосан қайта сотиш мақсадларида сотиб оладилар. Шу билан боғлиқ ҳолда 
улар товар нархига, унинг ўрамига, сакланиш муддатлари каби омилларга 
кўпроқ 
эътибор 
берадилар. 
Фирмаларнинг 
ходимлари 
бўлган 
таъминотчилар моддий-техника таъминоти учун товарларни сотиб 
оладилар, бунда улар эътиборининг марказида товарнинг нарх ва миқдорий 
тавсифи, транспорт харажатлари, ишлаб чиқарувчининг обрўи, мижоз 
истагига реакциянинг тезлиги, тўловни кечиктириш имконияти каби 
кўрсаткичлар туради. Давлат ва жамоат муассасаларининг мансабдор ёки 
жавобгар шахслари ўзлариникини эмас, балки жамоат маблағларини 
сарфлайдилар. Ишлаб чиқарувчини танлашда улар, энг аввало, ишончлилик, 
қонунга риоя қилишлик, шунингдек, шахсий алоқалари шароитларидан 
келиб чиқиб йўл тутадилар.