Маъруза жисмоний шахслардан олинадиган даромад солиғИ (2-соат) Режа

---

Маъруза 3. ЖИСМОНИЙ ШАХСЛАРДАН ОЛИНАДИГАН 
ДАРОМАД СОЛИҒИ (2-соат) 
 
Режа: 
1. 
Жисмоний шахслар даромадларидан олинадиган солиқнинг 
тўловчилари
2. Солиқ солиш объекти ва солиқ солинадиган база
3. Жисмоний шахсларнинг жами йиллик даромади таркиби
4. Жисмоний шахслар даромадларидан олинадиган солиқнинг 
ставкалари.
5. Солиқдан бериладиган имтиѐзлар. 
6. Солиқни ҳисоблаб чиқариш ва ушлаб қолиш тартиби
7. Даромадлар тўғрисидаги декларация асосида солиқ солиш
1. 
Жисмоний шахслар даромадларидан олинадиган солиқнинг 
тўловчилари
Жисмоний шахслардан олинадиган даромад солиғининг солиқ 
тўловчилари деб (бундан буѐн ушбу бўлимда солиқ тўловчилар деб 
юритилади) қуйидагилар эътироф этилади: 
1) Ўзбекистон Республикасининг резидентлари бўлган жисмоний 
шахслар; 
2) Ўзбекистон Республикасидаги манбалардан даромад олувчи 
Ўзбекистон Республикасининг норезиденти бўлган жисмоний шахслар. 
Тегишли мақоми ўзига нисбатан белгиланган солиқ даври 
бошланадиган ѐки тугайдиган ҳар қандай кетма-кет ўн икки ойлик давр 
давомида жами бир юз саксон уч календарь кундан кўпроқ Ўзбекистон 
Республикасида ҳақиқатда бўлган жисмоний шахслар Ўзбекистон 
Республикасининг солиқ резидентлари деб эътироф этилади. 
Агар жисмоний шахс тегишли солиқ даврида Ўзбекистон 
Республикасида жами бир юз саксон уч кундан кам бўлиб, бироқ ушбу 
туриш муддати унинг бошқа бирор-бир давлатда турган муддатидан 
кўпроқ бўлса ҳам, у Ўзбекистон Республикасининг солиқ резиденти деб 
эътироф этилади. 
Агар жисмоний шахс Солиқ Кодекси 40 модданинг иккинчи қисмида 
кўрсатилган ўн икки ойлик муддат тугагунга қадар солиқ органларига узоқ 
муддатли меҳнат шартномасини ѐки Солиқ Кодекси 40 модданинг иккинчи – 
тўртинчи қисмларида назарда тутилган шартлар бажарилишини тасдиқловчи 
бошқа ҳужжатни тақдим этса, ўзининг аризасига биноан Ўзбекистон 
Республикасининг солиқ резиденти деб эътироф этилиши мумкин. 
Ўзбекистон Республикасида ҳақиқатан қанча вақт бўлганлигидан 
қатъи назар, чет элда хизматни ўтаѐтган Ўзбекистон Республикасининг 

---

ҳарбий хизматчилари, шунингдек Ўзбекистон Республикасидан ташқарида 
ишлаш учун хизмат сафарига юборилган давлат ҳокимияти органларининг 
ходимлари Ўзбекистон Республикасининг солиқ резидентлари деб эътироф 
этилади. 
Ўзбекистон Республикасининг солиқ резидентлари бўлмаган 
жисмоний шахслар Ўзбекистон Республикасининг норезидентлари деб 
эътироф этилади.