Microsoft Word 05 Kishlok xujalik mahsulotlar sifati va marketingi

 
 
 
12-Ma’ruza: Marketingda tovar va tovar siyosati. 
Reja: 
1.  Marketingda tovar tushunchasi va klassifikatsiyasi. 
2.  Tovar assortimenti, uning ko‘rsatkichlari. 
3.  Tovarlar guruhlari va turkumlari. 
4.  Raqobat va tovarlar raqobatbardoshligi haqida tushuncha. 
5.  Tovarlarni “hayotiy davri” va ularni asosiy bo‘g‘imlari. 
6.  Tovarlarni “hayotiy davrini” uzaytirish uslublari. 
7.  Yangi tovar tushunchasi. Yangi tovarlarni baholash uslublari. 
8.  Tovar belgisi, markasi va o‘rami. 
 
 
1.  Marketingda tovar tushunchasi va klassifikatsiyasi. 

---

 
Oddiy bozorda tovar ishlab chiaruvchi korxonaning bozor va butun xo‘jalik siyosati bo‘yicha 
taqdirini  belgilaydi.  Shu  sababli  ham  tovarni  yaratish,  ishlab  chiqarish,  takomillashtirish,  sotish, 
sotilgandan  keyingi  xizmat  ko‘rsatish,  reklama  tadbirlarini  ishlab  chiqish,  shubhasiz,  tovar  ishlab 
chiqaruvchining  butun  faoliyatida  markaziy  o‘rinni  egallaydi.  Mana  shu  kompleks  tadbirlar  tovar 
siyosati  deb  ataladi.  Aynan  shu  sababli,  ishlab  chiqaruvchida  iste’molga  qaratilgan  sifatli  tovar 
bo‘lmasa, unda hech narsa yo‘q! – bu marketingning qat’iy qoidasi hisoblanadi. 
Tovar – butun marketing kompleksining asosidir. Agar tovar xaridorning talabini qondirmasa, 
u  holda  marketing  tadbirlari  uchun  hech  qanday  qo‘shimcha  xarajatlar  raqobatli  bozorda  uning 
mavqeini yaxshilay olmaydi. Endi esa marketingda tovar qanday ta’riflanishini keltiramiz. 
Tovar  deb  ma’lum  bir  ehtiyojni  qondirish  maqsadida  bozorga  sotib  olish,  foydalanish  va 
iste’mol  qilish  uchun  taklif  etilayotgan  mahsulot  tushuniladi.  Mahsulotga  narx  belgilanishi  va 
bozorga  taklif  etilishi  bilanoq  tovarga  aylanadi.  Shuning  uchun  ham  «tovar»  atamasi  «mahsulot» 
atamasi bilan teng ma’noda ishlatiladi. 
Marketing nuqtai nazaridan tovar ma’lum bir iste’mol qiymatga ega bo‘lishi kerak. Tovarning 
iste’mol  qiymati  esa,  inson  ehtiyojlarini  qondirishi  mumkin  bo‘lgan  xususiyatlarining  majmuidan 
tashkil topadi. 
Amerikaning taniqli olimi, marketolog F.Kotlerning (F.Kotler. Osnovi marketinga. – M., 1990) 
tasnifiga ko‘ra tovarning uch darajasi mavjud (17-chizma). 
F. Kotler bo‘yicha tovarning uch darajasini o‘rganib quyidagi xulosalarni qilish mumkin: 
1.  Tovarni  yaratish  g‘oyadan  boshlanadi.  Bu  g‘oyada  yaratiladigan  tovar  iste’molchining 
qanday muammosini hal qilishi va undan qanday asosiy foyda olinishi o‘z aksini topadi. 
2.  Tovarning  texnik  tasnifi,  dizayni,  narxi,  o‘rab-joylanishi,  sifati,  markasi  qanday  bo‘lishi, 
ya’ni real bajarilishini o‘ylab ko‘rish zarur hisoblanadi. 
3. Tovarni sotish, yetkazib berish va o‘rnatish, sotishdan keyingi xizmat ko‘rsatish, kafolatlar, 
kreditlash,  rag‘batlantirish,  ya’ni  tovarni  qo‘llab-quvvatlovchi  omillar  haqida  ham  o‘ylash  kerak 
bo‘ladi. 
Tovar  yaratishdagi  yana  bir  muhim  qoida  shundan  iboratki,  tovarni  loyihalashtirish 
«o‘rtastatistik» iste’molchilarga emas, balki potensial iste’molchilarga mo‘ljallab loyihalashtirilishi 
maqsadga muvofiq hisoblanadi.