Microsoft Word 05 Kishlok xujalik mahsulotlar sifati va marketingi

Rivojlantiruvchi marketing xaridorlarning koʻpchiligi mavjud mahsulotlardan qoniqmagan, 
lekin  yashirin  talab  shaklidagi  ehtiyoj  mavjud  boʻlgan  paytda  boʻlishi  mumkin  (masalan,  zararsiz 
sigaretalar, tejamliroq avtomobillarga talab). Mazkur holda aniq tovar yoki xizmat shaklida mavjud 
boʻlmagan tovarga potensial talab mavjud boʻladi. Shuning uchun marketing vazifasi boʻlib potensial 
bozorning  oʻlchamlarini  baholash  va  potensial  talabni  haqiqiy  talabga  aylantira  oladigan  samarali 
mahsulotlarni  ishlab  chiqarish  hisoblanadi.  Marketolog  potensial  talabni  aniqlashni  va  bozorni 
rivojlantirish  uchun  kerakli  yoʻnalishda  hamma  marketing  vositalarini  muvofiqlashtirishni  bilishi 
kerak.  Marketingning  taʻsirchan  qurollari  sifatida  yuzaga  keladigan  yangi  ehtiyojlarga  javob 
beradigan mahsulotlarni ishlab chiqarish, ularni qondirishning sifat jihatdan yangi bosqichiga oʻtish, 
reklamadan foydalanish va aniq isteʻmolchilar guruhlariga moʻljallangan, oʻziga xos mahsulot imijini 
yaratish. 
Remarketing – bu pasayib boruvchi talab sharoitida ilgarigi marketing kompleksini qaytadan 
anglash asosida uni tiklash maqsadida qoʻllanadigan marketing turi. Marketingning asosiy vazifasi 
talabni jonlantirishning yangi imkoniyatlarini axtarishdan iborat, yaʻni: tovarga yangi xususiyatlarni 
berish orqali tovarning hayotiy davrini uzaytirish, yangi bozorlarga kirib borishga va h.k. Umuman 
olganda, talabning pasayishi vaziyatlari hamma tovar va xizmatlar uchun, har qanday davrlar uchun 
xos. Shuning uchun marketologlar shuni nazarda tutishlari kerakki, talab pasayish tendensiyasiga ega 
boʻlganda, kelajakda bozorni boshqa tomonga yoʻnaltirish boʻyicha chora-tadbirlar boʻlmaganda, u 
yanada pasayishi mumkin va shu orqali yuzaga kelgan vaziyatdan chiqish yoʻllarini cheklab quyishi 
mumkin. 
Sinxromarketing – bu bozorning shunday vaziyatiki, unda talab vaqt jihatidan tovarlarni taklif 
qilish tuzilmasiga mos kelmaydigan mavsumiy yoki boshqa tebranishlar bilan xarakterlanadi. Bunda 
talab  korxonaning  ishlab  chiqarish  imkoniyatlaridan  ancha  ortiq  boʻlishi  mumkin  yoki,  aksincha, 
mazkur  tovarni  ishlab  chiqarish  hajmi  bozor  segmentining  talablaridan  koʻproq  boʻlishi  mumkin. 
Masalan,  muzeylarning  ish  kunlarida  kamroq  mijozlarga  ega  boʻlishi  yoki  shahar  transporti 
xizmatlariga talab hatto kun davomida oʻzgarib turishi mumkin. Kurort hududlari aniq ifodalangan 
mavsumiy tebranishlarga ega. Sinxromarketingda talab tebranishlarini silliqlashtirish (nomuntazam 
talab)  egiluvchan  narxlar,  siljitish  usullari  va  marketingning  boshqa  qurollari  yordamida  amalga 
oshirilishi mumkin.