Ma'ruza matni doc

Цестодларнинг биологик хусусиятлари 
Юқорида кўрсатилгандек, цестодлар хўжайин алмаштириш йўли билан 
ривожланади ва улар 2-3 хўжайинли бўлади. 
Икки хўжайин иштирокида ривожланувчи цестодларнинг бачадони ёпиқ 
типда тузилган, уларда дастлабки эмбрионал тараққиёт ички шароитда, яъни 
паразит танасида кечади, ташқи муҳитда эркин яшовчи личинкалик даври 
бўлмайди, оралиқ хўжайин организмида ривожланувчи личинкалари 
пуфаксимон шаклга эга. Цестодларнинг етилган бўғинлари биттадан узилиб 
тушади. 
Уч хўжайин иштирокида тараққий этувчи цестодларнинг бачадони очиқ, 
уларда дастлабки эмбрионал тараққиёт ташқи муҳитда, одатда сувда кечади ва 
тухум ичида биринчи авлод личинка - корацидий ривожланади, бу личинка 
тухумдан сувга чиқиб, биринчи оралиқ хўжайин танасига тушгунча сувда эркин 
яшайди, оралиқ хўжайин организмига тушгач эса чувалчангсимон шаклда 
ривожланади. Цестодларнинг етилган бўғинлари бир нечтадан лахта-лахта бўлиб 
узилиб тушади. 
Лентасимон чувалчангларнинг личинкалик тараққиёт даври нафақат 
умуртқасизларда, балки умуртқалиларда ҳам кечади. Бир гуруҳ цестодлар учун 
умуртқалилар, жумладан сут эмизувчилар ҳам оралиқ, ҳам асосий хўжайин 
вазифасини ўтайди. Демак, цестодларда паразитлик хусусияти трематодаларга 
нисбатан янада чуқурлашган. Бунинг натижасида уларнинг айрим органлари, 
масалан ҳазм органлари регрессга учраган, тери эпителияси юпқалашган, шу 
сабабли цестодлар асосий хўжайин организмидаги қонга сўрилишга тайёрланган 
озиқанинг ичида яшайди ва уни бутун гавда юзаси билан осмос йўли билан 
шимийди. Ҳазм органлари ўрнини жинсий система эгаллаган, яъни бу система 
прогрессив равишда тараққий этган. 
Цестодларнинг личинкалик шакллари. 
А. Пуфаксимон личинкалар: 
PDF created with pdfFactory Pro trial version 
www.pdffactory.com

---

1. Цистицерк ёки финна (қорамол ва чўчқа солитёрлари личинкаси). 
Катталиги нухатдек ичи суюқлик билан тўлган пуфакча. Пуфак ичида бита 
сколекс бўлиб, у ички деворга ёпишган сўрғичларга, илмоқчаларга (чўчқа 
солитёрларида) эга. Уларда цистицеркоз ёки финноз касаллигини чақиради. 
2.Ценур-мультицепснинг личинкаси. Товуқ тухумидек ҳажмга эга, ичи 
суюқлик билан тўлдирилган пуфак, бир неча ўнлаб ички деворга бириккан 
сколексларга эга. Улар ҳайвон ва одамларда ценуроз касаллигини чақиради. 
3. Эхинококкоз – вояга етган эхинококкнинг личинкаси ҳажми коса 
шаклигача етадиган пуфак. Пуфак ичида суюқликда сўзиб юрувчи бир неча 
минглаб сколексларга ва бир неча қизлик пуфакчаларга эга. Қишлоқ хўжалик 
ҳайвонлари, одамларнинг жигар ва ўпкаларида паразитлик қилиб, эхинококкоз 
касаллигини чақиради. 
4.Цистицеркоид – мониезияларнинг личинкаси. Микроскопик ҳажмга эга, 
тупроқ каналари қорнида ривожланади. 
5. Процеркоид – сербер гижжа куракоёқли қисқичбақасимонлар яъни 
циклоп танасида ривожланади.