1-мавзу. Информатикани ўқитиш технологиялари ва лойиҳалаштириш курсига кириш. Машғулот тури

Ташкилий таъминот соҳасида информатика ўқитиш услубиёти ПДВ ва 
ахборот технологияларини ўқитишда самарали қўллаш мақсадида, маълум 
муассасалар ходимларининг фаолиятини фаоллаштиришни кўзда тутади. 
Техник таъминот соҳасида информатика ўқитиш услубиётининг 
мақсади қуйидагилардан иборат:
- ўқув – тарбия жараёнида фойдаланиладиган техник воситаларни 
танлашни иқтисодий асослаш; 
- келажакда 
фойдаланиш истиқболларини ҳисобга олган ҳолда 
информатика хонасининг параметрларини, жиҳозларни аниқлаш.

---

Маълумки, таълимнинг мазмуни деганда, талабаларнинг ўқув 
жараёнида эгаллаб олиши лозим бўлган ҳамда бир тизимга солинган билим, 
кўникма ва малакаларнинг аниқ белгиланган доираси тушинилади.
Ҳар бир ўқув фани ўқитиш соҳаси, ўргатишнинг вазифалари, мазмуни, 
методлари ва ташкилий кўриниши ҳақидаги фан маълумотлар асосида 
қурилади, бу фан методика деб аталади. 
Дидактика – грекча didaktikos сўзидан олинган бўлиб, “ўқитаман, 
ўқишни ўргатаман” маъноларини англатади. Шунга кўра дидактика ўқитиш 
назарияси ҳисобланади. 
Педагогик назариянинг таълимотига кўра дидактика ва методика бир-
бири билан узвий боғлиқ. Дидактика “нима ўқитиш” ва “нима учун ўқитиш” 
керак деган саволлар билан шуғулланса, методика эса у билан узвий боғлиқ 
ҳолда “қандай тарзда” ва “нималар ёрдамида” ўқитиш масалари билан 
шуғулланади. 
Ўқитиш методикаси – бу ўқув – дидактик материалларидан 
фойдаланиш орқали белгиланган мақсадга эришиш учун назарий ва амалий 
машғулотлар пайтида қўлланиладиган усуллар мажмуидир. 
“Информатика ўқитиш жараёнини лойиҳалаш” курси талабалар учун 
қуйидаги билимларни беради: 
- ўқитиш ва тарбиялаш мазмуни, мақсади ва вазифасини англай билиш; 
- ўқитишда замонавий педагогик технологияларни қўллаш натижасида 
таълим самарадорлигини ошириш йўлларини эгаллаш; 
- ўқитишнинг ташкилий кўринишлари ва методларини танлай олиш, 
илғор инновацион ва педагогик технологияларидан, интерфаол 
усуллардан фойдалана олиш; 
- курснинг ҳар бир мавзу машғулоти бўйича мақсад ва вазифалар 
тизимини ишлаб чиқиш ва буларни турли хил мураккаблик даражали 
назорат топшириқларига ўтказиш (айлантириш); 
- эришилган ўқув мақсадларини баҳолаш, яъни ўқувчилар билимини 
баҳолаш мезонларини ишлаб чиқиш.