Modem SMS qisqa matnli xabarlarni yuborishi va qabo’l qilishi mumkin. Ushbu
rejimdan foydalanishning asosiy afzalliklari: nisbatan arzon narx va oson
o'rnatishdir. SMS-xabarlarni qabo’l qilish va jo'natish modemning tegishli AT-
buyruqlar portiga yozish orqali amalga oshiriladi. Modem SMSni yuborish va
qabo’l qilish rejimida mos keluvchi foydalanuvchi dasturi va AT buyrug'i tilini
qo'llab-quvvatlaydigan dasturiy ta'minot bilan programlanadigan mantiqiy nazorat
vositasi sifatida boshqarilishi mumkin.
Dispetcherlik axborotni uzatish va qayta ishlashning zamonaviy vositalaridan
foydalangan holda, energetika, sanoat va boshqa korxonalarda operativ boshqaruv
va boshqaruvni markazlashtirish hisoblanadi. Dispetcherlik texnik-iqtisodiy
ko'rsatkichlarni takomillashtirish, ish ritmini yaxshilash, ishlab chiqarish
quvvatlarini yaxshiroq ishlatish uchun boshqariladigan ob’yektning alohida
qismlarini kelishib ishlashini ta'minlaydi. Dispetcherlik tizimi texnologik
jarayonlar, muhandislik tizimlari, energiya ta'minoti tizimlari va xomashyo
yetkazib berish bo'yicha markazlashtirilgan nazorat qilish uchun apparat va
dasturiy vositalar to'plamidir. Dispetcherlik tizimiga ulangan barcha jihozlar
haqida ma'lumot operatorning ish joyidagi kompyuter ekranida real vaqt rejimida
ko'rsatiladi. Muhandislik ob’yektlari uchun dispetcherlik tizimlari mahalliy va
masofaviy turlarga bo'linadi. Mahalliy dispetcherlik texnologik ma'lumotlarni bitta
va bir nechta muhandislik tizimlaridan operator kompyuteriga (dispetcherlik
punktiga) o'tkazish imkonini beradi. Bu holda bizda yopiq tizim mavjud, ya'ni
uskunalar va boshqaruv paneli bir joyda yoki bitta binoda joylashgan. Ko'pincha,
mahalliy dispetcherlik avtomatlashtirish deb ataladi. Masofali dispetcherlik turli
xil ma'lumotlarni uzatish kanallari yordamida parametrlarni bir xil yoki bir nechta
avtomatlashtirilgan tizimlardan hududdan uzoq ob’yektlardan markaziy
dispetcherlik stantsiyasiga o'tkazish imkonini beradi. Masofadan dispetcherlik bir
nechta moslamalarni, masalan, mahalliy lokal tizim o’rnatilgan binolarni
birlashtirish uchun ishlatilishi mumkin.
Dispetcherizatsiyalash xizmati nima uchun kerak?
Dispetcherlik tizimi turli xil quyi tizimlar o'rtasida o’zaro aloqa va munosibatni
tashkil etishga imkon beradi, shuningdek avtomatlashtirilgan operatsion nazorat va
boshqaruvni amalga oshiradi. Bunday tizimni yaratish zarurati aniq. Ob’yektning
muhandislik uskunalari doirasi qanchalik keng bo’lsa shunchalik dispetcherlik
tizimidan foydalanish yanada oqilona bo'ladi. Ushbu integratsiya jarayoni
monitoring va nazorat qilish tizimini joriy etish ta'sirini uzoq kuttirmaydi. U o'zini
quiydagi shakllarda namoyon qiladi:
• energiya sarfini kamaytirish va korxona xarajatlarini kamaytirish,
• favqulotda vaziyatlar va oldindan buzilish vaziyatni erta ogohlantirish,
• baxtsiz hodisa va voqea sodir bo'lgan joy va yo'lida aniq manzilga bir zumda tez
javob berish. Bu o’z navbatida keltirilgan zararlarni kamaytiradi.
• ajoyib ish sharoitlarini yuqori darajada yaratib korxona xodimlarining ish
unumdorligi sezilarli darajada oshishi.
Dispetcherizatsiya resurslarni sarflashni hisobga olish, zamonaviy xizmat
ko'rsatish, binolar / inshootlarning majmuasi infratuzilmasiga kiritilgan avtonom
tizimlarning barcha turlarini muvofiqlashtirish ishlarini amalga oshiradi,
shuningdek favqulodda vaziyatlarda ko'p bosqichli xabarnoma ishlab chiqaradi.
Dispetcherlik darajasida quyidagi funktsiyalar amalga oshiriladi:
• muayyan kichik tizimning mahalliy avtomatlashtirilgan boshqaruv tizimlarining
uskunalari va ularning ishlash ko'rsatkichlarini nazorat qilish
• barcha kerakli ma'lumotlarni arxivlash va hujjatlarni rasmiylashtirish
• muayyan kichik tizimning mahalliy avtomatlashtirilgan boshqaruv tizimlarining
kelishilgan ishlarini muvofiqlashtirish va ularning optimal muammosiz ishlashini
ta'minlash bo'yicha harakatlarni muvofiqlashtirish;
• quyi tizimning barcha nazorat qilinadigan ob’yektlari uchun iste'mol qilinadigan
elektr energiyasini hisobga olish
• Barcha nazorat qilinadigan kichik tizim ob’yektlari uchun statistik
umumlashtirilgan ma'lumotlar
• uskunani masofadan nazorat qilish.
