Maqsudov ilhomjon, joraev jomurod yangiboevich, amirov shavkat qo ziboevich

Yuqori  darajali  ot  minib  yurish  –  otning  foydali  va  juda  chiroyli 
harakatlarini  namoyish  etadi.  20x60  metrli  maydon  ichida  ot  va  chavondoz 
mutanosibligi,  turli  shakl-shamoyildagi  mashqlar  bajarish  belgilanadi,  uning 
maxsus andozalari bo„lib u to„liq  shunga  asosan  o„tkaziladi. Bunda  ot chavondoz 
xukmiga to„liq bo„ysinadi, natijada bir qator sun‟iy harakat turlari (oldingi oyoqni 
bukmasdan tashlash, yo„rtish, uch oyoqda galop chopish va boshqalar) bajariladi. 
Milliy  ot  sporti  o„yinlari  ko„pchilik  xalqlarda  mavjud  bo„lib,  o„z 
xususiyatlariga ega. Ularga quyidagilar kiradi.  
Olomon  poyga  –  otlar  500,  700,  va  1000  m  ga  choptiriladi.  Ushbu  o„yin 
turida chavondozning vazni inobatga olinmay, chavondoz 12 yoshdan katta bo„lishi 
shart. Birinchi marraga  kelgan  g„olib hisoblanadi. Musobaqada mahalliy va zoti 
yaxshilangan otlar qatnashadi. 
Qiz  quvish  -  qozoq  va  qirg„izlarning  milliy  o„yini.  Bunda  mahalliy  va  zoti 
yaxshilangan otlarda yigit va qizlar juft-juft bo„lib qatnashadi. O‟yinning  birinchi 
yarmida yigit qizni quvib yetib o„pishi, ikkinchi yarmida qiz yigitni quvib yelkasiga 
qamchi bilan urishi taqozo etadi.