O’UM2020-Biznes rejalashtirish O. A. Amanov O’zbekiston respublikasi oliy va o’rta maxsus ta’lim vazirligi qarshi muhandislik iqtisodiyot instituti

Qisqacha xulosalar 
Ishlab  chiqarish  va  sotish  hajmini  rejalashtirish  korxona  ishlab  chiqarish 
quvvatlaridan  foydalanish  hisobi  bilan  bog’lanadi.  Chunki,  ishlab  chiqarish 
quvvatlarini  hisoblash  ishlab chiqarish dasturini asoslashning  muhim  tashkiliy qismi 
hisoblanadi. 
 
Ishlab chiqarish quvvati deyilganda korxonadagi  mavjud jihoz  va ishlab 
chiqarish  maydonlaridan  to’liq  foydalangan  holda  ilg’or  me’yor,  ilg’or 
texnologiyadan  foydalangan  holda  rejada  ko’rsatilgan  turdagi  mahsulotni  yillik 
maksimal ishlab chiqarish bo’lgan hajmidir. 
 
Ishlab  chiqarish  quvvati  miqdori  korxonaning  texnik,  texnologik  va 
tashkiliy darajasining o’sishi bilan o’zgaradi. Korxona ishlab chiqarish quvvati ishlab 
chiqarish hajmi rejalashtirilayotgan birliklarda o’lchanadi. 
Masalan,  avtomobil  ishlab  chiqaruvchi  korxona  quvvati  avtomobil  sonida, 
to’qimachilik korxonasi quvvati mato metrida.