F. I. Salomova, L. K. Abdukadirova, X. A. Sadullayeva, S. A. Sharipova mutaxassislikka kirish

Ovqatlanish gigiyenasi 
 
Ovqatlanish gigiyenasi  –  gigiyena fanining bo‘limi bo‘lib, oziq-
ovqat mahsulotlarining sifati va ularning inson organizmiga ta’sirini 

---

19 
 
aniqlash bilan birgalikda, aholining salomatlik holatini yaxshilashga 
qaratilgan oziq-ovqat mahsulotlariga qo‘yilgan talablar, ularni tayyor-
lash, saqlash va qo‘llashga qaratilgan sanitar-gigiyenik me’yoriy ko‘rsat-
kichlarni o‘rgatuvchi fan.  
Ovqatlanish gigiyenasi bo‘limining tekshiruv obyektlari: 
1.  Mulkchilikning shakllaridan qat’iy nazar, oziq-ovqat mahsulotlari 
va oziq-ovqat xomashyosi ishlab chiqarish, ularni saqlash, tashish, 
sotish bilan shug‘ullanuvchi korxonalar, muassasalar, tashkilotlar, 
birlashmalarni  qurish uchun  yer uchastkasini  ajratishda  ishtirok 
etish va xulosalar berish. 
2. Qayd etilgan idoralar, korxonalar, muassasalarni loyihalashtirish, 
qurish, qayta qurish, yangilash va ularni foydalanishga topshirish 
chog‘ida   sanitariya normalari va gigiyena normativlariga amal qilin-
ganligini nazorat etish va xulosalar berish. 
3.  Yangi  ozuqa qo‘shimchalarini maxsus qo‘shiladigan biologik 
aktiv moddalarni, oziq-ovqat mahsulotlari saqlanadigan idishlarni yan-
gi turlarini ishlab chiqishda va qo‘llashda ularning zaharliligi va 
gigiyenasi jihatdan baholash. 
4. Oziq-ovqat mahsulotlarini ishlab chiqarish, transportirovka qilish, 
saqlash va tarqatishda sanitariya-gigiyena normalariga rioya qilishni 
nazorat ostiga olish. 
5. Mahsulot ishlab  chiqarishni, idishlar, oziq-ovqat mahsulotlari, 
o‘rash materiallarini sanitariya talablari   nuqtai nazaridan tekshirish.    
6.  Umumiy ovqatlanish obyektlari, sut, go‘sht sanoat korxonalari, 
savdo-sotiq tarmoqlari ustidan sanitariya-gigiyena va laboratoriya 
nazoratini o‘tkazish. 
7.  Alimentar yo‘l bilan kelib chiqishi mumkin bo‘lgan yuqumli 
kasalliklarni va oziq-ovqatdan  zaharlanishlarning  profilaktik tadbir-
larini ishlab chiqish. 
8. Sut, go‘sht zavodlari, oziq-ovqat do‘konlari, ovqatlanish obyekt-
larida ishchilarning salomatligini va ularning profilaktik tibbiy ko‘rikdan 
o‘z vaqtida o‘tishlarini nazorat qilish. 
9. Turli tabaqalardagi aholining o‘ziga xos fiziologik xususiyatlarini 
inobatga olgan holda oqilona ovqatlanish tadbirlarini ishlab chiqish va 
amalga oshirish.