Z islomov, D. Rahimjonov, J. Najmiddinov

SORAW  HÁM  TAPSÍRMALAR
1.  Hesh  oylap  kórgensiz  be,  ekstremisler  ne  ushın  ózleriniń  ǵárezli  maq-
setlerin  ámelge  asırıwda  dinnen  nıqap  sıpatında  paydalandı?
2.  Ekstremisler  hám  terrorshılardıń  tiykarǵı  maqseti  nede  dep  oylaysız?
3.  Ekstremislerdiń  ideyalarına  dúnya  dinleri  wákilleriniń  múnásibeti 
qanday?
4.  Insan  sanasında  payda  bolǵan  boslıq  ekstremistlik  ideyalarǵa  boysı-
nıwǵa  alıp  keledi?
5.  Insan  sanasında  boslıq  payda  bolmawı  ushın  neler  islew  kerek?
XX  ásirdiń  90-jıllarına  kelip  dúnya  siyasiy  kar-
tasınıń  ózgeriwi,  jańa  ǵárezsiz  mámleketlerdiń  júzege 
keliwi, jáhán jámiyetshiliginiń globallasıwı hám inte-
graciyalasıwı,  zamanagóy  xalıq  aralıq  múnásibetlerde 
jańasha  tártiplerdiń  qáliplesiwine  túrtki  boldı.
Bul dáwirde Oraylıq Aziya regionı óziniń ekonomi-
kalıq  hám  strategiyalıq  áhmiyeti  boyınsha  dúnyanıń 
belgili aymaǵı sıpatında tán alındı. Buǵan tómendegi 
faktorlar  sebep  bolmaqta:
• Oraylıq Aziya arqa hám qubla, shıǵıs hám batıstı 
júdá  áhmiyetli  transport-kommunikaciya  jolları 
menen  baylanıstırıwshı  aymaq  sanaladı;
•  Oraylıq  Aziya  aymaǵı  Shıǵıs  hám  batıs  civiliza-
ciyaları kesilisken, hám islam, xristian hám bud-
dizmlik  dinleri  jám  bolǵan  noqatta  jaylasqan.
Kimde-kim  jer-
diń  orayı 
ústinde  baqlaw 
ornatsa,  ol 
dúnya  atawına 
iye  boladı, 
kimde-kim 
dúnya  atawında 
baqlaw  ornatsa 
ol  jáhán  ústinen 
húkimranlıq  ete 
aladı.