Синтаксис

 

 

 

2. Gapda so`zlarning o`zaro birikish usullari. 

 

 

Odatda  gapda so`zlar  o`zaro ma`no  jihatidan  ma`lum  grammatik  qonun  —qoidalar  asosida 

birikadi. Masalan: g`ir — g`ir shabada turli — tuman giyohlarning hidlarini olib keladi. (O.) gapida 

so`zlar  o`zaro  quyidagicha  birikkan:  1)  g`ir  —  g`ir  shabada,  2)  turli  —tuman  giyohlar(ning),  3) 

giyohlarning hidlari (ni), 4) hidlarini olib keladi, 5) shabada olib keladi. Bularning 1,2,3, va 4—lari 

grammatik  butunlikni  tashkil  qilib,  yaxlit  tushunchani  ifodalaydi.  Har  bir  jufti  tarkibidagi  so`zlar 

o`zaro ma`no va grammatik jihatdan bog`lanib, ergash bog`lanishli so`z birikmasini tashkil qiladi. 

 

Shu  misoldagi  5  —  bog`lanish  (shabada  olib  keladi)  esa  ega  va  kesimdan  tashkil  topgan 

bo`lib u predikativ bog`lanish sanaladi. Shuning uchun ham Yo gap hosil qiladi. 

 

Shunday  qilib,  so`z  birikmasini  hosil  qilish  uchun  kamida  ikki  mustaqil  so`zning  bo`lishi 

hamda shularning o`zaro ergashish (tobelanish) yo`li bilan bog`langan bo`lishi shart. 

 

Demak, ma`no va grammatik jihatdan o`zaro bog`lanib kelgan ikki va undan ortiq mustaqil 

so`z birikmasi deyiladi.