Ўзбекистон республикаси адлия вазирлиги тошкент давлат юридик институти

жараёнининг хусусиятлари билан, махсус техник тушунчалар ва 
атамалар, айбланувчи лавозимига кўра қандай мавқега эгалиги ва 
бошқа ҳолатлар билан боғлиқ бўлади. Айбланувчини сўроқ қилишда, 
қоида тариқасида, қуйидагиларни аниқлаш керак: 1) мазкур мутахас-
сислик бўйича махсус маълумоти (рухсатнома) ва иш стажи қандай; 
2) мазкур участкада техника хавфсизлиги қоидаларига риоя этилиши 
устидан назорат қандай муайян чоралар кўрилган; 3) айбланувчи тех-
ника хавфсизлиги бўйича қоидалар ва йўриқномаларни билганми ҳамда 
уларга риоя этишда унга нима ҳалақит берган; 4) мазкур участкада 
илгари ҳам бахтсиз ҳодисалар юз берганми ва шу муносабат билан 
қандай чоралар кўрилган; 5) айбланувчи содир бўлган ҳодиса сабабини 
нимада деб ҳисоблайди ва техника хавфсизлиги қоидалари бузилишида 
ўз айбини тан оладими. 
Сўроқнинг муваффақияти кўп жиҳатдан унга махсус техник адаби-
ётлар, техника хавфсизлиги бўйича қоидалар ва йўриқномалар, корхо-
на раҳбари ва юқори органларнинг бўйруқларини ўрганиб чиқишдан 
иборат бўладиган тайёргарлик кўришга боғлиқ бўлади. Меҳнат психо-
логияси (руҳшунослиги), меҳнатни илмий ташкил этиш ва ҳоказолар 

---

бўйича қоидалар ва тавсиялар билан танишиш фойдалидир. Баъзан 
тегишли мутахассислардан маслаҳат олиш мақсадга мувофиқ. 
Кўрсатиб ўтилган тергов ҳаракатларидан ташқари тинтув, олиб 
қўйиш, тергов эксперименти ва бошқа шу сингариларни ўтказиш 
эҳтиёжи пайдо бўлиши мумкин. Ҳар ҳолда бу хил жиноятларнинг 
тергови аниқланиши лозим бўлган барча ҳолатлар исботланишини