See discussions, stats, and author profiles for this publication at

 
 
“ТУРИСТИК МАҲАЛЛА” ЛАРНИ РИВОЖЛАНТИРИШ ОРҚАЛИ ТУРИСТИК 
ДЕСТИНАЦИЯ РАҚОБАТБАРДОШЛИГИНИ ОШИРИШ 
Бекжанов Д.Й. – УРДУ таянч докторанти 
 
Ўзбекистон Республикаси Президентининг 2019 йил 13 августдаги “Ўзбекистон 
Республикасида туризм соҳасини янада ривожлантириш чора-тадбирлари тўғрисида” ги ПФ-
5781-сонли Фармонининг 2-бандига мувофиқ, мамлакатимиз худудларида “Туристик 
қишлоқ”, “Туристик маҳалла” ва “Туристик овул” ташкилий тузилмаларни жорий қилиш 
орқали мамлакатимизда туризм соҳасини янада ривожлантириш белгиланган.
Мамлакатимизда туристик маҳаллалар янги ташкилий тузилма бўлганлиги сабабли, 
уларни ташкил қилиш, бошқариш, уларда янги турмаҳсулотни ишлаб чиқиш ва уни таклиф 
сифатида шакллантириш, ҳамда янги турмаҳсулотни сотиш бўйича илмий жиҳатдан 
асосланган ишланмалар мавжуд эмаслиги муаммонинг долзарблигини ифодалайди.
Биз илмий-тадқиқот ишида маҳаллаларнинг жуғрофий жойлашуви, уларда туризм 
соҳасининг турган ўрни, фаолият юритаётган туристик корхона ва ташкилотлар сони, ҳамда 
яратилган иш ўринлари сонидан келиб чиққан ҳолда, уларни иерархик тарзда гурухларга 
ажратиш ва илмий жиҳатдан янгича ёндашган ҳолда, “Туристик маҳалла“(ТМ)ларни қуйидаги 
гуруҳлашни таклиф қиламиз: 
1. ТМ1 - кам туристик фаолликка эга маҳаллалар. Бунга фақат битта фаслда, масалан, ёз 
фаслида туристик фаолият билан шуғулланадиган маҳаллалар киради. 
2. ТМ2 - ўртача туристик фаолликка эга маҳаллалар. Бунга фақат битта мавсумда 
туристик фаолият билан шуғулланадиган маҳаллалар киради. 
3. ТМ3 - юқори туристик фаолликка эга маҳаллалар. Бунга йил бўйи туристик фаолият 
билан шуғулланадиган маҳаллалар киради. 
4. ТМ4 - туризм соҳасига ихтисослашган ва интенсив туристик фаоликка эга маҳаллалар. 
Бу маҳаллаларда яшовчи аҳолининг асосий даромади туристик хизмат кўрсатишдан 

---

140 
шаклланади ва қишлоқ хўжалигида етиштирилган маҳсулотлар асосан туризм соҳаси 
истеъмоли учун сарфланади.
5. ТМ5 - туристик фаолликка эга бўлмаган маҳаллалар 
Асосий фаолият йўналишлари доирасидаги ишларни бажаришдаги зарур чора-
тадбирларни амалга ошириш зарур ҳисобланади ва дастлаб “Туристик маҳалла” тадбиркорлик 
марказини ташкил қилиш, шунингдек, фаолиятни йўлга қўйиш учун бажариладиган ишлар 
миқёсидан келиб чиққан ҳолда, вақтни ҳисобга олиш ва режалар ишлаб чиқилади.