Microsoft Word soliha ayollar ziyouz com doc

Volidai Xoja Alouddin G‘ijduvoniy 

(alayhirrohma) 

 

Xoja Ubaydulloh Ahror aytur edikim, hazrati Xoja Alouddin G‘ijduvoniy (alayhirrohma) 

aytdi: 

 

“Men o‘n olti yoshda edim, Amir Kalon Voshiyning mulozamatlariga bordim. Ul zot meni 

zikri xufya (qalb zikri)ga mashg‘ul etdi va ko‘b mubolag‘a qildikim, bu zikr usulini 

shundoq pinhon saqlagilki, ahlu ayol, yaqinlaring, suhbatdoshlaring bilmasinlar. Bordi-yu 

xabardor bo‘lsalar ham, sen bildirmay yana bu qalb zikrida davom qil”. Necha vaqtlar bu 

tariqa mashg‘ul bo‘ldim va azim riyozatim bor edi. Chekkan riyozatlarim yuzimdin 

ma’lum edi. Bir kun onam menga aytdiki: “Sen bemorsanu mendan buni yashiryapsan. 

Yuzingdan ko‘rinib turibdi”. Men: “Bemor emasman”, dedim. Onam aytdi: “Ey bolam, 

agar darding nimaligini aytmasang, bergan sutimga rozi emasman”. Noiloj qissamni 

sharh etib aytdim, vazifam zikri qalbiyni ham ma’lum qildim. Onam darhol bu zikr va 

tariqatga moyillik bildirdilar va nafyi isbot zikri*ga mashg‘ul bo‘ldilar. Men bu voqeadan 

hayratlarda qoldim va “ajabo, to‘g‘ri qildimmi aytib yoki noto‘g‘ri qildimmi?” deya iztirob 

chekib, Xoja Amir Kalonning yonlariga bordim. Onam bilan bo‘lgan voqeani bayon 

qildim. Amir Kalon hazrat aytdilarki: “Biz sizning onangizga ijozat berdik, bu tariqqa 

mashg‘ul bo‘laversinlar”. 

 

Necha vaqtlar onam bu tariq bilan mashg‘ul bo‘ldi. 

 

---

Soliha ayollar. Bahriddin Umrzoq