ЎҚув қЎлланма ўзбекистон Республикаси Президенти ҳузуридаги Давлат бошқаруви

6)
раҳбарлик қилиш функцияси – давлат органлари (давлат хизматчилари), бошқарилувчи объектлар 
фаолиятининг ёки айрим ҳаракатларининг қоидаларини ва нормаларини ўрнатиш ҳисобланади;
7)
мувофиқлаштириш функцияси – бу турли давлат органлари (давлат хизматчилари) 
фаолиятини давлатнинг умумий мақсад ва вазифаларини амалга ошириш учун йўналтиришдир. 
Мувофиқлаштириш орқали давлат хизмати тизими ташкил этилади ва унинг фаолият кўрсатиши 
таъминланади. Масалан, бир неча мустақил давлат органлари мавжуд бўлиб, уларнинг ҳар бири 
ўзининг ташкилий тузилмасига, мақсад ва вазифаларига эга бўлса ҳамда маълум бир муаммони 
уларнинг биргаликдаги фаолияти орқали ҳал этиш лозим бўлганда, мувофиқлаштириш ваколатига 
эга бўлган давлат органини ташкил этиш эҳтиёжи вужудга келади;
8)
контрол қилиш функцияси – давлат хизмати тизими ва унинг тузилишининг ўрнатилган стандарт 
ва нормаларга мос келиши ёки мос келмаслигини, давлат органлари фаолиятини ва айрим 
субъектлар ҳаракатининг натижаларини, давлат бошқарувида белгиланган ва амалга оширилган 
ҳолатларни ўрганиш ва баҳолашдир. Контрол қилиш – бу бошқарув фаолиятининг сифати 
устидан кузатиш, камчилик ва хатоларни ҳамда бошқарув ҳаракатларининг ва қабул қилинган 
ҳужжатларнинг қонунийлик ва мақсадга мувофиқлик принципларига мос келишини аниқлашдан 
иборат. Давлат фаолиятининг маълум бир соҳаларида у ёки бу ҳаракатларни амалга ошириш 
устидан давлат ҳокимияти органлари контролни ўрнатадилар. Контролни амалга ошириш вақтида 
кетма-кетлик, асосланганлик, ошкоралик, объективлик, қонунийлик ва тезкорликка амал қилиш 
керак. Контролнинг кенг тарқалган кўринишларидан бири назорат ҳисобланади. Назорат, одатда, 
маълум бир ҳаракатларнинг (қарорларнинг) қонунийлигини текшириш мақсадидагина амалга 
оширилади; 

---