Муаллифларнинг картография фанининг истиқболига тегишли фикр-мулоҳаза, истак ва тавсиялари ўз ифодасини топган. Рисола уч қисмдан иборат

ГЕОГРАФИК КАРТАЛАР МАЗМУНИНИ 
ТАКОМИЛЛАШТИРИШ ХУСУСИДА МУЛОҲАЗАЛАР
1
 
Картография доимо география фани билан узвий боғланган 
ҳолда ривожланиб келган. У бошқа фанларга нисбатан географияга 
яқин туради. Шу боис картографиянинг ўзагини географик 
картография ташкил қилади. Ҳатто, антик давр алломаларидан 
бири, машҳур географ ва картограф Клавдий Птоломей (90-168 й.) 
“Географиянинг асосий вазифаси Ер юзасини тасвирлаш”, - 
деб ёзган эди (Исаченко, 1978, 7 б.). Таниқли географ 
Н.Н.Баранский “Карта – географиянинг алфа ва омегаси”, яъни 
географик тадқиқотлар картани ўрганиш билан бошланади ва карта 
билан якунланади, деб даъват қилган эди. Таъкидлаш жоизки, 
бугунги кунда география фанининг ривожланиш тамойилларидан 
бири ҳам тасвирийликдир, яъни изланишлар туфайли қўлга 
киритилган натижаларни картографик тасвир орқали ифода этиш 
демакдир. Ўтган тарихий даврлар давомида картография босқичма-
босқич ривожланди, мустақил фан сифатида шаклланди ва ўзининг 
ҳозирги мавқеига эга бўлди (Салищев, 1990; Мирзалиев, 2002; 
Эгамбердиев, 2001 ва бошқалар).
Бугунги кунда картограф ва тармоқ фан вакиллари томонидан 
яратилган карталар, атласлар, ўқув ва картографик асарлар 
маърифий манба ва илмий восита (қурол) сифатида маданиятимиз 
учун хизмат қилмоқда. Таъкидлаш жоизки, картографик асарларга 
бўлган талаб эса тобора ошиб бормоқда. 
Бунинг асосий сабаблари бор. Биринчидан, табиат-жамият 
муносабатлари жадал суръатлар билан ортмоқда. Бу ҳол ижтимоий 
ҳаётнинг табиий пойдевори бўлган ландшафтларнинг, ҳатто 
сиёсий-маъмурий манзаранинг ўзгаришига олиб келмоқда, 
бошқача айтганда мавжуд карталар маънавий эскириб қолмоқда. 
Иккинчидан, карталарга бўлган ижтимоий талабнинг турлари ва 
1
Назаров И.Қ. Географик карталар мазмунини такомиллаштириш хусусида мулоҳазалар. 
Ўзбекистон география жамияти VII съезди материаллари.- Тошкент, 23-24 ноябр 2006 йил, - Б. 15-17.

---

6 
кўлами кўпаймоқда. Хулосалаш жоизки, айни даврда замон 
талабларига жавоб берадиган маърифий, илмий карталарнинг янги 
авлодларини 
яратиш 
ижтимоий 
заруриятга 
айланди. 
Республикамизда бу борада қатор ечилмаган муаммолар борлиги 
картограф олимлар Т.Мирзалиев, А.Эгамбердиевлар томонидан 
кундалик матбуотда ва илмий анжуманларда бир неча бор 
таъкидланган. Шу билан бир қаторда географик карталарнинг янги 
замонавий авлодларини яратиш бўйича картографлар томонидан 
истиқболли режа ва тавсиялар ҳам ишлаб чиқилган. Биз шуларга 
қўшилган ҳолда географ мутахассис сифатида географик карталар 
мазмунини 
такомиллаштириш 
борасида 
айрим 
фикр-
мулоҳазаларни билдирмоқчимиз. 
Гап шундаки, хохлаган картани тайёрлашнинг икки муҳим