Кўчмас мулк ва мулк ҳУҚУҚи амалий қўлланма

195
Даъвонинг асоси
Даъвогарнинг ўз талабини асословчи ва қаноатлантирилиши лозим деб ҳисобловчи 
талаблари (важлари)нинг тавсифи (эркин шаклда), шу жумладан, даъвогар 
шартномани бекор қилиш учун келтираётган асослар ва ҳолатлар 
Аризага илова қилишини лозим бўлган ҳужжатларнинг тавсия этиладиган 
рўйхати
Агарда даъвогар ёки жавобгар жисмоний шахс бўлса, паспортининг рўйхатда турган 
жойи кўрсатилган нусхаси / рўйхатда турган манзили бўйича яшамаган тақдирда, 
фуқароларнинг ўзини-ўзи бошқариш органидан ҳақиқатдаги яшаш жойи ҳақида 
маълумотнома
Шартнома нусхаси 
Шартномани бекор қилиш ҳақида жавобгарга юборилган таклиф нусхаси (мавжуд бўлса)
Шартномани бекор қилиш ҳақида даъвогарнинг таклифига жавобгарнинг жавоб 
хати нусхаси (мавжуд бўлса)
Давлат божи тўланганлиги ҳақида квитанция
Шартномани бекор қилиш асосларини тасдиқловчи ҳужжатларнинг нусхалари
Даъвогарнинг талабини тасдиқловчи бошқа ҳужжатларнинг нусхалари
Агар ариза вакил томонидан берилган бўлса, ишончнома ёки унинг ваколатини 
тасдиқловчи бошқа ҳужжат
Даъво аризаси нусхалари
Давлат божининг миқдори
Номулкий тусдаги даъво (номоддий даъво) бўлиб, давлат божи энг кам ойлик иш 
ҳақининг 50 фоизи миқдорида ундирилади.
Мазкур талабга оид ҳуқуқий муносабатларни тартибга солувчи қонун 
ҳужжатлари
- Ўзбекистон Республикаси Фуқаролик кодексининг 382, 385-моддалари. 
Қўшимча изоҳ:
Агар Фуқаролик кодексида, бошқа қонунларда ёки шартномада бошқача 
тартиб назарда тутилган бўлмаса, шартнома тарафларнинг келишувига мувофиқ 
ўзгартирилиши ва бекор қилиниши мумкин.
Тарафлардан бирининг талаби билан шартнома суд томонидан фақат қуйидаги 
ҳолларда ўзгартирилиши ёки бекор қилиниши мумкин:
1) иккинчи тараф шартномани жиддий равишда бузса;
2) Фуқаролик Кодекс, бошқа қонунлар ва шартномада назарда тутилган ўзга ҳолларда.
Тарафлардан бирининг шартномани бузиши иккинчи тарафга у шартнома тузишда 
умид қилишга ҳақли бўлган нарсадан кўп даражада маҳрум бўладиган қилиб зарар 
етказиши шартномани жиддий бузиш ҳисобланади.
Бир тараф шартномани бажаришдан тўла ёки қисман бош тортиб, қонун ёҳуд 
тарафларнинг келишувида бунга йўл қўйилса, шартнома тегишлича бекор қилинган 
ёки ўзгартирилган ҳисобланади.

---